بلد خُلقها ضياق …!

1
كتــب محمــد أبــو عــلان
احنا في وطن أو بالأحرى بقايا وطن ما حد طايق يسمع صوت حد فيه.
الحكومات موش طايقه تسمع الشعب…
والشعب مل من سماع الحكومات…
منشور على الفيسبوك ممكن يجرك ع بيت خالتك…
وإعجاب يمكن يصلك توبيخ أو تنبيه….
النقابات بتعتبر قراراتها قرآن كريم وممنوع تنتقدها…..
إذا انتقدت النقابات بتصير ضد حقوق البشر….

وإن دعمت إضراب ما بتصير محرض وصاحب أجندة خارجية، وتسعى لأهداف شخصية.
إن انتقدت مسؤول بتلاقي جماعته بتدافع عنه حتى لو إنك على حق.
وإن سديت بوزك وسكتت بتصير جبان وبدك تحافظ ع حالك.
وإن حكيت وقلت رايك بتصير طخيخ فيسبوك وكيبوردات.
حرية الرأي والتعبير شعارات لتزين تصريحات المسؤولين وإخراجها بثوب براق ولميع.
إن انتقدت ظاهرة في غزة ممكن تصير معادي للمقاومة….
وإن قلت في شي غلط بالضفة يمكن تكون انقلابي ولا مجنج .
الكل ضد الانقسام، والكل بدو المصالحة الوطنية، واحنا زي ما قالها المثل ” طز مطرح ما بقينا” من أل 2007.
باختصار
احترنا يا قرعه من وين نبوسك.
#بلد_خلقها_ضياق
 
 
Be Sociable, Share!

لا تعليقات

لا تعليقات لحد الآن

RSS اشترك في تعليقات هذا الموضوع TrackBack URI

أكتب تعليقا

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash