امتحان التوظيف في التربيه والتعليم للسنه الثانيه عشر ع التوالي

1

ناجي أبو سهراب، مواطن خريج من مدينة طوباس، كتب معبراً عن امتعاضه من امتحان التوظيف في التربية والتعليم…..وكتب في سياق التعبير عن هذا الامتعاض.

‫#‏ملاحظه‬ الي بخاف ما يعلق وما يحط اعجبني

امتحان التوظيف في التربيه والتعليم للسنه الثانيه عشر ع التوالي

اتحملوني بهالموضوع الصغير

بس هالمره بتمنى ماحد يزعل مني لاني بصراحه زهقتكم وازهقت سياستكم المريضه في التعاطي مع المظلومين الي مثلنا ….

‫#‏الي_خايف_عليه_قاعد_عليه‬

بصراحه وعلى الملآ بدي احكيلكم شغله
بدي اقعد انا وابليس قعدة مواطن صالح مع مواطن صالح واشوف شو ممكن اعمل شغله ‫#‏تفش_غلي‬ من هالامتحان ومن الي حطوه ومن القائمين عليه ….

بس للعلم بشيء ….
انا اول واحد افتتح مديرية تربية طوباس اول ما اجت عنا ع طوباس ونقلوا اوراقنا من قباطيه لطوباس ..وكانت طلوزه تابعه بالتربيه لطوباس واتعينت اول بديل في مدرسة طلوزه الثانويه المختلطه على ما اعتقد في عام 2007 وكنت متقدم لامتحان التوظيف في قباطبه في 2005 او 2006 وعملت بديل اكثر من مره

يعني ماحد يحكيلي مثلكم مثايل ..لاء مش مثلي مثايل

طلوزه والزبيدات نقل لوائي وطمون وطلبوني ع اريحا وما روحت لانه المواصلات غاليه

واكثر من مره اكون دوري رقم واحد ونروح نحكي لسين من الناس في التربيه دوري وقف الاول مشينا يا زلمه وع الفاضي لانه على ما يبدوا انا فقير وابن فقير وخارج حساباتكم

وقلبت كل المدراء للتربيه

أ.ابو انس ابو عره 
أ.محمد زكارنه
د. ريما
وهي الاستاذ محمد حواش

انا مخضرم في التربيه الحمد لله ..

كمان شغله احكيلكم اياها انا كنت حكيتها للمديره السابقه د. ريما 
انا لما كنت اقدم واقابل في تربية قباطيه كانت د. ريما موظفه عاديه في تربية قباطيه وماشاء الله صارت دكتوره وصارت مديرة تربيه طوباس وانا بعدني بقابل وبقدم
وكان أ. محمد زكارنه رئيس قسم على ما اعتقد في قباطيه والحمد لله صار مدير تربية طوباس ورجع لادارة قباطيه وانا بعدني بقدم وبقابل
الاستاذ محمد حواش اتعرفت عليه في مدرسة الزبيدات الثانويه المختلطه لما روحت نقل لوائي ع اريحا هناك وكان هو مدير تربية اريحا
ماشاء الله اليوم صار في الوزاره واجا ع تربية طوباس وانا بعدني بقدم وبقابل

بجوز انا اكثر واحد قلبت مدراء تربيه وتعليم في الوطن

والي اتخرج 2025 بتوظف قبل الخريج 2005

يزم مش قادر انسا واطنش حقي يا اخي

للاسف شاطرين ع الفقرا الي مثلنا بس
لو واحد غيري واصل في تنظيماتكم وسياستكم وكواليسكم ما كان وصل للي وصلتله
بس لاني فقير ابن فقير ما حدا مهتم فينا

ومع ذلك الله لايسامحكم …..حقنا ببنساهوش لو كلف شو ما كلف

جوالي مفتوح وانا مستعد لاي مقابله امنيه سياسيه اقتصاديه دبلوماسيه مشاكل اي شي

وبرجع اذكركم الي خايف عليه قاعد عليه

نسخه للوطن
نسخه الي 
نسخه للامن
نسخه للتربيه
نسخه للتاريخ 
نسخه لقباطيه
نسخه لاريحا
نسخه لطوباس

الي بده نسخه اله يبعثلي ع الخاص

——————————————————————————-

‫#‏ناجي_منصور_8_4_2016‬

 
 
 
Be Sociable, Share!

لا تعليقات

لا تعليقات لحد الآن

RSS اشترك في تعليقات هذا الموضوع TrackBack URI

أكتب تعليقا

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash