الوضع الصحي في محافظة طوباس…..من المسؤول ؟

هذة صورة من الواقع الصحي في محافظة طوباس والأغوار الشمالية كما يرويها من عاش الحدث لحظة بلحظة …

1

فؤاد صوافطه

 

مين المسؤول في محافظة طوباس ؟؟؟ وين المسؤوليين ؟؟؟ وين المسؤوليين يقفوا على مسؤولياتهم امام الله و امام المواطنيين و يتابعوا شؤون المحافظه … لوينتا بدنا نضل عهالحاله ؟؟؟ بلا مستشفى ؟؟؟ بلا رعايه صحيه متل العالم ؟؟؟
مبارح بنت عمي عمرها سنتيين كانت بين الحيا و الموت بعد ما وقعت بالبيت و نقلناها على قسم الطوارئ الي افتتحوه في مستشفى طوباس الحكومي و قال الدكتور المناوب انه لازم مباشره يتم نقلها على نابلس لانه وضعها صعب اتصلو على الاسعاف … و يا حسره عالاسعاف حوالي 30 واحد برنو عالاسعاف و ما حدا برد نزلنا بسياراتنا ندور عالاسعاف رحنا على الهلال الاحمر ما في ولا موظف بس تلفون برن و ما حدا برد عليه عيشونا حاله هستيريه بعد ما اجت الشرطه و الدكاتره الي مداوميين بالطوارئ يتصلوعلى جميع الاسعافات و موظفيين الاسعاف الموجوديين … بعد 50 دقيقه لحتى اجا الاسعاف … و الطفله عايشه عالاكسجين .. و كلنا على اعصابنا … 50 دقيقه يا عالم بتعيش ناس و بتموت ناس …لوينتا بدنا نضل هيك في محافظه تتجاوز عدد سكانها 70 الف نسمه … عنجد بكفي … اذا المسؤوليين ما بدهم يقفو على مسؤولياتهم … لازم نحنا نقوم و نتحرك و نطالب بحقوقنا … ما نضل ساكتيين هيك … لانه اليوم ربنا سلم و لحقنا حالنا … بكره معك و الا مع ابنك و الا مع صاحبك و الا مع اخوك الله يعلم شو يصير …. لازم يصير حراك شعبي قوي من اجل افتتاح المستشفى كاملا ….
هنا وجب التنوبه أن الهلال الأحمر الفلسطيني لا يملك غير سيارة إسعاف واحدة لكافة محافظة طوباس، ولهذا لا يكون بمقدورهم تغطية جميع الحالات حال كان أكثر من حالة تحتاج سيارة أسعاف ….كل الاحترام لطواقم الإسعاف على ما يبذلونه من جهد، وهم لا يتحملون مسؤولية النقص في سيارات الإسعاف، وفي الخدمات الصحية في المحافظة، وزارة الصحة التي تماطل في افتتاح المستشفى هي المسؤول الأول عن كل تقصير في المحافظة في الخدمات الصحية.

والمسؤولية كذلك على أصحاب القرار في المحافظة على صبرهم على تلكؤ وزارة الصحة 

المدون محمد أبو علان

 
Be Sociable, Share!

تعليق واحد

  • بقلم زياد دراغمه, أبريل 9, 2014 @ 4:14 م

    انا فخور فيك اخي ابو علان على جهودك الحثيثه في توصيل معاناة اهل طوباس للجهات الرسميه …وكل الشكر لالك

روابط أخرى لهذا الموضوع

RSS اشترك في تعليقات هذا الموضوع TrackBack URI

أكتب تعليقا

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash