* بدك الصحيح وإلا ابن عمه :مقدمة لكذبة من الحجم العائلي.

* شو بدك بطول السيرة :جملة محشورة داخل قصة يزيد عدد كلماتها عن 100000000 كلمة ! .

* وماشفنالك إلا … :يعني موسيقى تصويرية قوتها 7.9 على مقياس ريختر لقصة سخيفة.

* وما كذبت خبر :عبارة لنفش العضلات ، وبداية لكذبة ورسم بطولات ما حصلت إلا بالخيال.

* إنتا لسا ما بتعرفني :تقال عندما يشعر المتكلم أنه تبهدل وانمسحت بكرامته الأرض.

* الله يستر عليها :تقال بعد نهاية كل قصة تم فيها نشر غسيل جميع بنات الحارة ، وصديقات بنات الحارة.

* إشتهيناك تكون معنا :تقال لحرق أعصاب المستمع وإذلال شعوره.

* أنا ، لا تواخذني بهالكلمة :مصطلح يهيؤك نفسيا لسماع مسبّة ، ولكن بطريقة مؤدبة.

* أنا والله مو فارقة معي :تدل على اهتمام المتكلم حتى الموت بالموضوع.

* سيدي ما علينا :نهاية الحديث البايخ الذي كان يتكلم فيه على غيره بما لا يخصه.

*عيّن خير :بعبارة أخرى … انسى الموضوع

*لا يروح فكرك لبعيد :يعني طنـّش كل البلاوي اللي خبرتك عليها ! .

* شايف عليّ :تقال عندما يكون المستمع طبلا أجوف ، ولا يعرف رأسه من رجليه.

Be Sociable, Share!


أضف تعليق

XHTML: يمكنك استعمال الاكواد: <a href="" title=""> <abbr title=""> <acronym title=""> <blockquote cite=""> <code> <em> <strong>

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash