أفلام رعب للأطفال فقط

بواسطة , ديسمبر 1, 2009 8:08 ص

الشرطة في خدمة الأطفال

كان يا مكان، في بلاد العجائب، حدثت اغرب حادثة في تاريخ الطفولة الفلسطينية. أخي الأصغر و عمره خمس سنواتـ. في ليلة العيد، قلت له: شو رأيك أنروح على رام الله ونشتري العاب؟” اعتقدت انه سيقفز فرحا، لكنه هزني عندما قال:

- لا ما بدي أروح!.

- ليش؟

- ما بدي أروح على رام الله، خلص.

- بس بدنا نشتري العاب و أنا عازمك.

- طيب بروح، بس إذا أنت بتيجي معي؟

- طيب بدي اجي معك، ما تخاف.

بينما كنا نمشي في شارع المنارة، سألته:

- ليش أنت كنت خايف تطلع على رام الله؟

- لأنو مرة كنت مع ماما و شوفت شرطي بضرب بالناس و بطخ عليهم. أنا كتير بخاف من الشرطة، بضربوني و بطخوا علي.

حينها و كأن أخي الصغير الطفل البريء ضربني بسكين مضى عليها مئات السنين، لم تخرج من جسدي الذي تلاشى كليا عندما صدم بهذا الكلام. مصيبة كبرى إذا تحول رجل الأمن الذي يعتبر رمزا للأمن و الاستقرار، إلى رجل البلطجة و العربدة.

مدرس من العصر الحجري

كان يا مكان، في بلاد العجائب، حدثت اغرب حادثة في تاريخ الطفولة الفلسطينية. مؤخرا و صلني أيميل حار جدا يشع غضبا من صديقة. في الرسالة قصة ابنها الذي يعتبر من الأوائل في صفه والمميزين أخلاقيا و علميا، الذي تعرض للضرب من قبل أستاذه. السبب أن المدرس دخل على الصف “معصب” لان الأطفال يصرخون، و بدا بضرهم بعصاه المشهورة، يمينا و شمالا. عاد الطفل لامه و علامات الضرب على جسمه. جن جنونها.

يعني لا يكفيننا الأسلوب المتخلف، التقليدي و القاتل الذي ما زال يتبعه بعض المدرسين في مناهج التعليم في المدارس الفلسطينية. أتفهم أن بعض الطلاب لا يحترمون المدرسيين، و العكس أيضا. ولكن هل حاولت وزارة التربية و التعليم و المدرس أو المدرسة الدخول عميقا على عالم الطالب و اكتشاف أساليب قوية و جديدة للتواصل معه و إيصال المعلومة. هل حاول المدرس أن يخترع أسلوبه التدريسي و كسب حب الطفل و احترامه و بالتالي نجاحه في المادة المقررة. يعني تحدثنا كثيرا و مرارا بهذا الخصوص، و اشعر بتكرار أفكاري هنا. يكفينا همجية و تقليدية و تبعية و لنترك مجالا للسؤال و نظرية التفكير و استخدام العقل بدل صب المعلومات و التحفيظ.

الضرب ليس للحيوان، فحتى الحيوان له حقوق، فما بالكم الأطفال. دعونا نخرج من دائرة التخلف، من دائرة العنف و ترهيب الأطفال. الاحتلال الإسرائيلي يدمر مسيرة التعليم في القدس، و احتلال التخلف من جهة أخرى، و الأخطر احتلال نظرية التخويف و أفلام الرعب. التعليم ليس فقط معلومة، بل هو أسلوب ينتهي بسلوك.

الدين لله…

الخروف لازم يكون سمين و مليان؟ لا يا رجل، لا يكلف الله نفسا إلا وسعها. أنت بتعرف أكثر مني بالدين. أنا مقضي حياتي بالصلاة من جامع للثاني.

لا ما بسلم يا بنت عمي. بدي أصلي يا جماعة، وين القبلة، و ذهب و عاد ليقول: بدي أصلي المغرب يا جماعة مش ملاقي القبلة.

أنا صمت يوم الوقفة امبيرح. بس أنا صمت العشرة الأواخر، أما أنا صمت العشرة الأواخر و أيام الاثنين و الخميس.

ذبحنا عجل، و ما شاء الله كفا لكل الحارة و وزعنا كمان منو على الأقارب و العيلة و الفقراء.

بتعرف انو أبوي راح على الحج باشي أسمو ” الحج المميز” يعنيVIP .

الحمد الله، ما خليت فقير و محتاج إلا و ساعدته.

يا حرمة و ين الطبيخ، بدنا نوكل يا مرة. كيف حالها اوليتك ( مرتك).

أنا شفتها، عملت احجاب، اختلف الزلمة. ارمي ملح على باب البيت. احرقي الحجاب بالزيت و الملح، و بخري الزلمة.

عافينا يا رب من الكذب، و النفاق، و المال الحرام، و التكبر و الرذيلة، و الظلم.

كانت هذه بعض الاقتباسات البسيطة جدا، و المتكررة أيضا من الكبار على مسامع الأطفال. يا جماعة الدين لله…

سائد كرزون

30/11/2009

Be Sociable, Share!

2 ردود على “أفلام رعب للأطفال فقط”

  1. سائد بصراحة معك كل الحق لكا تحكي مدارس من العصر الحجري مدارس التخلف والجهل هاي القصة ال حكيتها صارت معي انا خالد ……
    القصة بلشت اعندك انو الاستذ كان يضرب الطالب لا انا ال صار معي او الاستاذ طلعني وقفني على اللوح طول الحصة على اجري وما خلي امسبة الا وحكاها علي ومنها يا كندرة وقيمتك وقيمة لزبالةواح بتذطكر يوميتها سحبت كرسي وقعدت عليه بس ما خلينا قام وقفني واخذ الكرسي مني وصار يغلط علي حكي من السيل وانزل ….. بس كل ال حكيتوا احنا مكا عنا انتماء لدرج تاعك …… صار في شغلات تعجبم بمدرسو ذكرو رام الله الثانوية وقبلها لسا بدي يمسك علي ممسك انو انا امطلع صوت العاهرة الوسخ وصلت حتى اني انطحي من المدرسة لولات اني اختصرت واتاسفتلو قدام نائب المدير ال الله لا يطول بعمره ويم ما دار وجه اخرتها ضل على هاي الممسك وقديش حكيت لا وما رضي ال قال انا وضربني مرة كف هو ونائب المدير على وجهي يعني بصراحة ان هلق قدمتلك اشي امنة عليك اتحطوا على المقالة تاعتك مدارس من العصر الحجري ل

  2. صالح دوابشة قال:

    رائع صديقي،،،الى الامام

اترك رد

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash