بلديات الزمن الجميـــل

54 views
ميسر عطياتي/اسيرة محررة/نابلس

ميسر عطياتي/اسيرة محررة/نابلس

كتبــت  ميـسر  عطيــاني 

بالزمن الجميل كانت قرار مقاوم ضد الاحتلال واذكر لما كان المناضل بسام الشكعه رئيسا لبلدية نابلس والي بداكرتي لما كنت بالمرحلة الاعدادية الزمتني النقل لمدارس المدينه وانا مروحه من المدرسة كنت اروح عند ابوي داهود العطياني المعروف بالحطه والعقال كان يعمل كاتب معاملات وحاطط طاولة صغيرة باب البلديه ويغطيها بشمسيه عاديه مثل المظله كنت اشوف رئيس البلديه يقلي ابوي هاد بسام مناضل قوي وكان مقابل البلدية مقر الحاكم العسكري الصهيوني وحوليه جنود عيونهم ع البلديه ومره حدا ضرب قنبله عليه وسمعت ابو نضال ينادي ع ابوي من شباك البلديه ادخل ابو محمد انت وبنتك ع البلديه بسرعه واترك اغراضك.

دخلنا وتحاصرت البلدية وفرضوا منع التجول واجى حدا مع الحاكم العسكري وحاصروا البلديه نزل ابو نضال يشوف شو بدهم ولما هاد الي مع الحاكم العسكري مد ايديو يسلم ع ابو نضال وما رضي ابو نضال يسلم عليه وصرخ عليهم اغلقوا باب البلديه وحاصرونا وسمعت ابوي والرجال بهتفوا لابو نضال وضد الاحتلال صرت اهتف وماسكه ابوي وسمعنا صوت بره البلديه ويا عيني عليك نابلس والله عمار يا بلد الكل جاي يهتف وفكوا الحصار وروحنا وانا فرحانه اغني شفت ابو نضال وطردنا اليهود 
وكم سنه ركضنا كلنا للمستشفى الي جنب بيت بسام الشكعه ولقيت امي الحجه وجارتنا ام حمدان مع نساء بعبوا حجار بثوابهن وبناولوا الشباب وصرت اوخد وارمي الحجار ع الدوريات الي بطلعة بيت بسام الشكعه بشارع المريج وكانت نابلس كلها غضب ع اغتيال المناضل ابو نضال الي رفض يتعالج عند الاحتلال 
بعض من ذاكرة رئيس بلديه مناضل اسمه بسام الشكعه 
فهل انتخابات البلديات الي توجهها وملامحها عائلي وعشائري وفصائلي وقرار سياسي وتعزيز انقسام بتقاسم ادارة العملية الانتخابية غزه الضفه والقدس مغيبة وبرعاية قرار دول مانحه ستكون معركتها وقرارها مقاوم !!

نابلس

2-9-2016

Be Sociable, Share!

لا تعليقات

لا تعليقات لحد الآن

RSS اشترك في تعليقات هذا الموضوع TrackBack URI

أكتب تعليقا

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash