الصحافة صاحبة الجلالة
حال البلد… بقلم خالد مفلح
11 يوليو 2011, khaled mufleh @ 4:34 م
60 مشاهده

 

بقلم: خالد مفلح

 

البلد حالها واقف مثل اشارات المرور فيها، ساعة شغالة وثلاثة وعشرين ساعة باليوم معطلة، مرات بتمر على الساعة تنتين الصبح من شارع بتكون فيه الاشارة شغالة مية بالمية، ومرة بتمر عليها الساعة تنتين الظهر عطلانة والزوامير لاعنة ابو البلد ما حد بيعرف ليش، حال البلد واقف، مثل حال الطفرانين وموظفين الحكومة فيه، البنوك أكلت الناس قروض وفوائد والموظفين المسخمين مش عارفين من وين يلاقوها، بتلاقي الموظف راتبه الفين شيقل وعليه شكين ثلاث بالشهر، وفي كثير منهم مشتري سيارة على البنك واثاث بيت على البنك، وختايرت البلد بيقول والله الا العروس تصير على البنك، كان احسن لانه نص شباب البلد بدها تتزوج بس ما باليد حيلة وهاي حال البلد، طيب وبعدين لوين رايحة فينا هالبلد شو الي بصير معنا كل ما قلنا هانت بتشتد اكثر، وكل ما تفاءلنا ساعة بخيم البؤس علينا خمسين ساعة. المزيد »