شعارات مقترحة لحملة 15 آذار

بواسطة , مارس 13, 2011 1:44 م

حاولت ان اجمع هنا بعض الشعارات التي يقترح الشباب استخدامها يوم الثلاثاء القادم في الحراك الشعبي لإنهاء الانقسام


الشعب يريد انهاء الانقسام
نقسم اغلى الاقسام لالا للانقسام
لو دخلتونا الاقسام لا لا للانقسام
اعتصام ..اعتصام حتى يسقط الانقسام
لا تراجع ولا استسلام حتى يسقط الانقسام
بدنا الشعب يعيش بعزه اهل الضفه واهل غزة
عار وطين للي بيقسم فلسطين
الفلسطيني مابنام الا بحل الانقسام
الشعب كله قام وناوي ينهي الانقسام
بالرقي والنظام بدنا نقضي عالانقسام
زهقنا زهقنا من العار افهمو افهمو هشعار
قومي يلا يا فلسطين شباب الثورة مش ساكتين
شعبٌ واحد مش شعبين رام الله وغزة وجنين
احنا مين وانتو مين كلنا اولادك يافلسطين
الشعب يريد توحيد النظام
لا فتح ولاحماس فلسطين هي الأساس
لا شرقيه ولا غربيه بدنا وحده وطنيه
يا اهلينا يااهلينا لو سكتنا يدوسوا علينا
يا فلسطين احنا رجالك احنا رجال الليل الحالك
سيري سير ي يا ثورتنا حتى نحقق امنيتنا
يا فتحاوي ويا حمساوي دم الشهدا فينا يداوي
لا للأستسلام ولا للأنقسام ونعم للوحده والوئام .
يا فلسطيني يا عظيم احذر احذر التنظيم
شهدا الاقصي مع حماس ابطال بترفع الراس
يلا نقاوم يلا نقاوم على وحدتنا ما بنساوم
كلنا اخوة مهما صار
مش حنسلم مش حنام حتى انهاء الانقسام
يا عباس ويا هنية بدنا وحدة وطنية ..
وحدة وحدة وطنية فتح وحماس وشعبية .
بدنا نحكي ع المكشوف … انقسام ما بدنا نشوف
يا أسير أكتب عالزنزانة .. الإنقسام عار وخيانة
أقهر يا وطني المحتل .. غير الوحدة ما فيه حل
بيكفي ذل بيكفي عار .. يا عالم وين القرار
من المية للمية اعلناها فلسطين عربية
وحدة وحدة وطنية .. غزة وضفة غربية
ما بدنا خبز وطحين .. بدنا انتخابات لفلسطين
ما في صعب ما في صعب .. الحرية لكل الشعب
هي كلمة وحدة صريحة .. الإنقسام عار وفضيحة
مطالبنا شرعية .. بدنا وحدة وطنية
لا شرعية للإنقسام .. لا شرعية للإنقسام
يا حرية وينك وينك .. الإنقسام بينا وبينك
عرفات و ياسين .. ع الوحدة متفقين
أمتى تعود الحرية .. للقدس الأبية
قولوا الله وعلو الصوت .. غزاوي ما يهاب الموت
المستقبل للأبطال .. والحرية للأطفال .. لا انقسام ولا احتلال
العهد العهد ع الصمود .. بأرض أولادي والجدود
شعبي حطم هالقيود .. والحرية بدها تعود
راية شعبي أرفعوها .. ضد الفتنة علوها
ليل الفرقة مهما طال .. بدو يزول لا محال
يا إنقسام يا مسعور .. أرحل عنا يلا غور
شعبي مصمم ع الصمود .. بدنا نحشد هالحشود
بيت المقدس في خطر .. قوموا وفوقوا يا بشر
وحدة .. حرية .. كرامة إنسانية
صحي الخلق وهز الكون .. وطني مش هيهون
يلا يا فلسطين صحي الروح .. الحرية حق مفتوح
يلا يا شعب عدي الخوف .. خلي الدنيا تصحى تشوف
غزة عطشت غزة جاعت ,, ليش النخوة منكم راحت
من رفح لجنين .. شعب واحد ما بيلين
عين بعين وراس براس .. مشروع الفتنة راح ينداس
أعتقال سياسي ليش ليش .. وأحنا تحت رصاص الجيش
مين قال الشعب مات .. هيو بيهتف بالمئات
ما بتنحل هالقضية .. الا بوحدة وطنية
بدنا نحكي ع المكشوف … انقسام ما بدنا نشوف
يا أسير أكتب عالزنزانة .. الإنقسام عار وخيانة
أقهر يا وطني المحتل .. غير الوحدة ما فيه حل
بيكفي ذل بيكفي عار .. يا عالم وين القرار

Be Sociable, Share!

10 ردود على “شعارات مقترحة لحملة 15 آذار”

  1. شعارات جميلة كثير .. بس ..!! ماتت قبل ما تطلع من افواه الشباب ..
    خيبة أمل وصابتنا ..!!

  2. ريماس قال:

    الشعارات اكثرمن رائعة بس بتمنا انها تتطبق على الواقع نعم للوحدة الوطنية لاوالف لا للانقسام*وبحكي يارب توحد فصائل شعبنا…
    *حتى ترجع فلسطين ..
    *وتكبر وتنتعش …
    *يارب ترجعي يافلسطين…
    *عربية حرة وحدة واحدة …
    *وما بتتقسمش…
    *يارب اسمع دعانا…
    *وأهلك عدانا..
    *آمين …
    بدنا نحكي ع المكشوف … انقسام ما بدنا نشوفهي كلمة وحدة صريحة .. الإنقسام عار وفضيحة
    مطالبنا شرعية .. بدنا وحدة وطنية
    اكيد كلنا مع الوحدة نكون شعب واحد مش شعبين
    عيونى بكت بحرقة عندما قرأت هذه الشعارات بتمنا من قادتنا يشعروا بالشعب حتى العالم يعترف بقضيتنا وبدولتنا نعم لشباب 15اذار مارس نعم للوحدة نعم لحرية الشعب لنصرت القضية بتمنا تتحقق مطالبنا حتى نعيش بكرامة

  3. ريماس قال:

    بدنا انعيش بكرامة مش بزل وايهانة
    نعم الوحدة لضفة وغزة حتى نحيا ونعيش بعزة
    لابدلشعب ان يقول كلمته وحدة وحدة وطنية حتى انعيش بحرية
    شباب 15اذار احنا معاكو مهما صار حتى انحقق وحدتنا وحتى انعلى هامتنا
    وحدة وحدة وطنية حتى نحيي القضية
    بدنا انعيش بحماية ليش كرامتنا متهانا
    اخو اخو مهما صار حنضل انقولها مهما صار
    ياشعبنا اهتم اهتم مع شباب اذار بنلتم

  4. kalam قال:

    شكرا على إضافتاتك الرائعة

  5. kalam قال:

    المهم إنها طلعت وتم كسر حاجز الخوف

  6. ريماس قال:

    نتمنى ان يحدث حراك شعبى فى الوطن وفى الشتات حتى تنجح هذه الثورة وحتى تحدث الوحدة وننهى الانقسام وحتى نحقق مطالبنا الشرعية لتوحيد الصف الفلسطينى ونوصل شطري الوطن الحبيب من اقصاه الي اقصاه لنهاية لنهاية وحدتنا الهدف والغايةنعم للوحدة

  7. kalam قال:

    أعتقد أن يوم 30/3 سيكون يوما حافلا بالأحداث المهمة التي تدعو للوحدة الوطنية

  8. ريماس قال:

    بنتمنى فى الأرض 30-3 انو يصير تحركات شعبية وانو تصير احداث مهمة انو يتجمعو الشباب عن ميدان فلسطين وعن الكتيبة من كل الفصائل الفلسطينية والمستقلين ويبعدو عن الشعارات الحزبية ويتوحدوا حول هدف ومطلب واحد وهو توحيد الصف الفلسطينى وانهاء الانقسام حتى نقدر انرجع الأرض الى طول السنين الماضية والجاية رح انضلنا اناضل واندافع لحتى انرجعها وبتمنى فى يوم الأرض نقدر انحقق جزء من مطلبنا وهو توحيد الشعب تحت راية وحدة وشعار واحد فلسطين وبس نعم للوحدة وحقن الدم الفلسطينى لا للانقسام والمناكفات السياسية الغير هادفة
    لا فتح ولاحماس فلسطين هي الأساسشهدا الاقصي مع حماس ابطال بترفع الراس
    يلا نقاوم يلا نقاوم على وحدتنا ما بنساوم
    كلنا اخوة مهما صار
    أقهر يا وطني المحتل .. غير الوحدة ما فيه حل
    راية شعبي أرفعوها .. ضد الفتنة علوها
    ليل الفرقة مهما طال .. بدو يزول لا محال
    شعبي مصمم ع الصمود .. بدنا نحشد هالحشود
    يلا يا فلسطين صحي الروح .. الحرية حق مفتوح
    يلا يا شعب عدي الخوف .. خلي الدنيا تصحى تشوف
    ما بتنحل هالقضية .. الا بوحدة وطنية

  9. kalam قال:

    أتمنى ذلك مثلك تماما يا ريماس وأعتقد أن هناك عدد كبير من الفعاليات في يوم الأرض أبرزها مسيرة من ميدان فلسطين إلى ساحة الجندي المجهول

  10. يوتيوب قال:

    اتمني لكم التوفيق ان شاءالله

اترك رد

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash