“بول” ….. فتح وحماس
تنبأ هذا الأخطبوط بدرجة لا بأس بها بنتائج مباريات كرة القدم المقامة في جنوب إفريقيا بشكل مدهش، أخطبوط بثمانية اذرع يعيش قي حوض ماء غرب ألمانيا يقدم إليه صندوقان يمثلان الفريقين المتواجهين ليختار أحدهما فيكون الفائز وتصدق تنبؤاته، شيء رائع.
أفكر لو أتينا بـ “بول” وطلبنا منه أن يحزر من سيغلب فتح أو حماس هل يا ترى سيعلم؟؟؟ هذا كانت المقدمة الفصحي تعالو على الصحيح عاد.
حتحكولي هوا حماس وفتح بيلعبوا مباراة؟ طبعا لأ – هما بيلعبوا فينا- لكن أنا بسمعهم كل ما حك الكوز في الجرة وعند كل طوشة كل واحد منهم بيحكي “الكرة في ملعب فلان”.
يعني القصة في النهاية كورة أعتقد أنو الكورة المقصود بيها احنا “الشعب” وأعتقد أنو الملعب هو “الضفة وغزة” والحكم مش موجود لأنو كل فريق بدو حكم على كيفه، البعض بدو اياه أمريكي والبعض بدو إياه إيراني وناس بدها إياه أوروبي وكل واحد بدو شكل.
أعتقد إنو “بول” راح يقرر في حالتنا هاذي انو ينتحر أحسنله أو يختفي لأنه بصراحة مش خلصان مع الألمان والهولنديين اللي بيتحلفوله يشووه أو يسلخوه –شوفوا الحنية لوين- لكن عنا الحل معروف وبدون تفكير، يا بينطخ يا بينشبح يا بطلعوه عميل لإسرائيل يا بيطلع جزء من المؤامرة العربية الدولية الاشتراكية الامبريالية علينا.
“بول” دخيلك اوعك تفكر تتدخل في مواضيعنا بضيع/ وقد أعذر من انذر.
[...] This post was mentioned on Twitter by Tarek Amr and khaled sharqawy. khaled sharqawy said: “بول” ….. فتح وحماس: تنبأ هذا الأخطبوط بدرجة لا بأس بها بنتائج مباريات كرة القدم المقامة في جنوب إفريقيا بشكل مدهش… http://bit.ly/b6uFp5 [...]