مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



أرشيف فبراير 1st, 2020

وشربنا من كل المَيْ ..

فبراير 1, 2020

وشْربنا من كل المَيْ
من كل بلاد شوَي
ما لقينا غيرك يا بلادي
يروينا والمي تنادي
والله واشتقنا يا زين
أسمر يا كحيل العين
يا رايح عفلسطين
أنا دربي معاك يا خَيْ
**********
يا بلادي الله محلاكي
سبحان اللي سوّاكي
يا قمر بيِضْوي في عُلاكي
والليل من بعده ضَيْ
**********
وصبرنا عالبعد سنين
الله شو مشتاقين
نزرعها ورد وياسمين
ونغنّي لصبايا الحي
**********
جنّات بلادي يا محلاها
طول العمر ما بنساها
أيام لنا على رُباها
لتعيد العمر في عز الشباب
يا ميجانا ويا ميجانا ويا ميجانا
زهر البنفسج يا ربيع بلادنا
**********
نادِ النّشاما تنقول
على نغمة ناي وطبول
والسّامع إيرد عليْ
**********
وشربنا من كل المي
من كل بلاد شوي
ما لقينا غيرك يا بلادي
يروينا والمي تنادي
والله واشتقنا يا زين
أسمر يا كحيل العين
يا رايح عفلسطين
أنا دربي معاك يا خي .