مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



أرشيف ديسمبر, 2019

اغتراب

ديسمبر 29, 2019

حينما يضيع العاشق في اغترابnono023401
يطويه بحر الحب والعذاب
يبحث عن رفيق في طريق
فلم يجد غيرالشقاء والسراب

غنّو البلابل .

ديسمبر 27, 2019

غنو البلابل عالشجر
قالو السّنابل للقدر
يا ابن الأصايل شو الخبر
القمح والله زاد حنينو
***********
يا نور عيوني روحي بوحي
أنا في حنيني زاد جروحي
أنا في غرامك بعت روحي
عاشق بلا دي ألله ايعينو
***************
مال الحمام عالغصن وقال
أحلا الكلام ما في محال
يا جنّه مهما البعد طال
القمح والله زاد حنينو
*************
غنو البلابل يلا قوموا
عِزّك بلادي هذا يومو
كل المراد لا تلوموا
عاشق بلادي الله ايعينو
************
راجع لبلادي يا قمر
تعالو شوفو شو الخبر
الولد غنّى للقدر
القمح والله زاد حنينو

فتّح النّوار

ديسمبر 24, 2019

فتَّح النّوار غنَّت الأطيار
يا ربيع بلادي
يا نسيم الهادي
والنّاي تْنادي
فوق فوق فوق فوق الجبل أزهار
**********
النّسمه والعنقود
يا جنّه ما لْها حدود
يا ربّي يا موجود
يا أمّة الأحرار
**********
مرِّت علينا سنين
والقلب كلّو كلّو حنين
إحنا ألك راجعين
والليل إصير نْهار
**********
ما نامت عُيوني
ولا أهلي نِسْيوني
ولا كرم زيتوني
عالتَّل والصَّبار
**********
يا صحبي يا ماشيين
لأرضنا راجعين راجعين
أمانه يا تشرين
إتكمّل المشوار

زمن الغُرْبِه ..

ديسمبر 22, 2019

في زمن الغربة والألم
تنْزرعُ المأساة والعدم
تتلاشى المسافات وتضيع الأغنيات
بين أطلال القِيَم
وخيام المشرّدين على أطراف المدينه
وأطفال فلسطين يغرقون في شلال من دم
يكتبون تاريخا لنا يعبرون جسر الضّنا
من صبرا وشتيلا من هناك من هنا
من عمق الغضب الطّالع في ليل شتيلا الدّامع
رغم أمير راكع يرفعون العلم فوق كوخ انهدم
في صبرا كانت مأساة في صبرا صارت مأساة
وشتيلا موت وطغاه
وصراخ رضيع يرتحل يبحث عن قصر عربي
لأمير ملك ينقذه من ذاك الغاز النّازي
لكنّ الحاكم مخمور يعبث في وكر غربي
في حضن اللذة مغمورٌ يلهو في ذلّ أبدي
وهتاف الأطفال الآتي يلعن تاريخ الحكام
قسماً بالثّورة وحياتي سأُعيد الليلة أنغامي
النَّغم الطّالع من مِدفع وقذائف أشبال الثّوره
نُعلنها دوماً لن نخضع لن نخضع
سنُعيدك يا بلدي حرّه
لن نخضع لن نخضع صبراً صبراً صبراً يا شتيلا
فالنّصر الآتي لك صبرا
صبرا صبرا صبرا يا شتيلا
النّصر الآتي لك صبرا
صبرا صبرا صبرا
النصر الاتي لك صبرا صبرا صبرا

أجمل الأوطان .

ديسمبر 14, 2019

 

في القلب مسكونه سسسس
مِتل دمعه حنونه
عخد طفل صْغير
لمّن وقّف النّفير
وشطبوا من القاموس
كلمة تحرير
الاسم قدس يا عيوني
والقدس مجروحه والكل نسيان
والعتب لمّا تنادي عليك يا إنسان
إنسيت الحارات والقناطر
والبيزار وخان الزّيت والعم صابر
والعليّه يلّي بحد الزيتونه
وبنت الجار المزيونه
وسلمى على بوابك بتنادي
قصّوا جديلتي هالأعادي
يا عيب الشّوم عالمراجل
لا تقولوا قدر والحظ مايل
أنا لعيونها عاشق
ولا تلوموا
ولا تيأسوا إن تخلّوا عنها العُربان
ما في غيرها إلك عنوان
بوابة السّما يا عروسه مكحّله
مثل الوريد في القلب مجدّله
بدم الشُّهدا مجبوله نار ونور وبركان
فلسطين يا جنّة وأجمل الأوطان .