مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



يا حيفْ ..

يوليو 28, 2019
0 views

     طول عُمر العرب فهمانين والعربي دايماً أبو الأفكار ما بيهتموا للقضايا الكبيره ولا شو بتقول الأخبار من قتل وتشريد في سوريا واليمن والعراق وليبيا وحتىقرود مينمار مشغولين هاليومين بمقاطعة البيض والبطاطا والسهر على سوبرستار وحلال ولا حرام أكل لحم الحمار وشو بيقول الطالع والنميمه على الغير حتى الجار ومدد يا سيدي عبد الجبار .. يا فهمانين الناس في العالم قرفانين من تصريحات طرمب العنصريه ضد الأجانب والمسلمين بيحتجوا وبيعملوا مظاهرات في الشوارع والميادين وانتوا بلا قافيه دان من طين ودان من عجين مثل الأطرش في الزّفه والأعمى بسوق الرسامين ودايماً بتشكوا وبتبكوا وبتقولوا الحق على الكفار والمستعمرين شو ناطرين من قياداتكو المُلهمين يا أخي اتحركو فيقو بيكفي تنبله وبكا وأنين ما بيحك جلدك غير ظفرك صيح بأعلى صوتك قول رأيك لا تهاب البطش والزنازين بيقول المثل السجن للرجال في زمن هالأنذال المخصيين خليك رقم بين الأمم ولا تكون صفر عالشمال ونازل دعاء ان الله يغير هالأحوال وناطر الفرج من المهدي وأعور الدّجال يا حيف على هالأمه ضاعت منها العزيمه والهمّه ويا حيف على الرجال ليل الهزيمه عليها طال وساكتين .. يا حيف .

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash