يا قدس ..
نوفمبر 9, 20180 views
يا قدس انتي الهويّه إلي وعنوان
وحبّك في قلبي على طول الزّمان
حاراتك والقناطر ناطرين
وجراسك وناسك وصوت الودان
**********
ياقدس أهلك صامدين إيد بأيد
من كل دين قالوا على العهد ما نحيد
بالمحبّه والتّسامح عايشين
تنعمّر هل بلاد ويهل فجر جديد
**********
ما يجرفنا تيار مثل زيتون بلادي
وإن جار علينا الجار وتكاثروا الأعادي
ما نهاب العدا يا عروسه
حبّك في القلب صلاه وتسبيح وعباده
**********
يا قدس لا تلومي هل نايمين
يا عروس السّما يا درّة فلسطين
كفكفي دموعك يا عروسه
بيوم الوعد جايين بالملايين ..
الكاتب جودت الشويكي
أضف تعليقك