صباح الخير .
أبريل 11, 20180 views
صباح الخير فلسطين ️
صباح الخير والمطر والأرض للحريه عطشانه
والزنود اللي بتزرع الشجر
وغمار القمح والخوابي بالزيت مليانه
**********
صباح الخيرْ للحاملين الهَم جْبال
وبِيْقولوا يا رَبْ انت أعلمْ بِالحال
انت الكريم في زَمنْ لئيم
أرْزُقنا حتّى نْرَبّي هلِعيال
**********
صباحكم بشاير حرّيه بْيِحملها النّدى
ودخان كوشوك أسود على روس العِدا
من شبل صاح عايدين بالاصرار والكِفاح
أرواحنا يا وطن إلك فِدا
**********
صباح الخير مع الزّيت والزّيتون والزّعتر
ورغيف طابون محَمّر مقَمّر
مع كاسة شاي معطّر بالنّعنع الأخضر
**********
صباح الخير للانسان والوطن
لكل موظف غلبان وعامل شقيان
في زمن المحن
الكاتب جودت الشويكي
أضف تعليقك