مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



أرشيف أبريل 8th, 2018

مزامير ..

أبريل 8, 2018

قالت جدّتي – هذا مفتاح الدّار أمانه 
أوصيك يا ولدي التّفريط بالوطن خيانه 
ستعود البلابل الى أعشاشها 
العودة حقّنا والحرّ لا يرضى المهانه

**********

كانوا السُّمّار في الليالي بْيسْمعو 
صوت المِزمار والأحباب إتْجمّعو 
فات المشوار يلاّ بينا انْرجّعو 
نُكتب أشعار للدّبكه في بلادنا

**********

ما نامت عُيوني، ولا أهلي نِسيوني
ولا كرم زيتوني ،عالتّل والصَّبّار
نادت علينا الدّار، يا أمّة الأحرار
ناطِر زوال الليل، ونْكَمِّل المشوار
مرَّتْ علينا سنين ، راجعين إلك راجعين
تا نزرع البساتين ، والليل يصير نهار ..

**********

غنّو البلابل عالشّجر
آلو السنابل للأمر
يا ابن الأصايل شو الخبر،
الأمح والله زاد حنينو
يا نور عيوني زادو جروحي
انا في غرامك بعت روحي
عاشق بلادي الله ايعينو ..