مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



أرشيف مارس 12th, 2018

أرْض الحُرِّيهْ

مارس 12, 2018

إعْمَلْ في أرْضَكْ إعْمَلْ1174648075
بِدْها سَواعدْ  تِتْحَمَّلْ
إزْرَعْها وَرْدْ وليْمونْ
إزْرَعْها فلْ وزَيْتونْ
إزرَعْها بُكرا بِتْهونْ
يا عاشِقْ أرْض الحُرِّيهْ
يا عاشِق أرْض الحُرِّيهْ
*******
إعْمَلْ يا خويَهْ وإصْنعْ
يوم يْعدّي ما رح يرجَعْ
إعْمَلْ بإرادِهْ وهمِِّهْ
داومْ يا مَحْلا اللمِِّهْ
إنْتِ أقْوى مِنْ هُمِّهْ
يا عاشِقْ أرْضِ الحُرِّيهْ
يا عاشِقْ أرْض الحُرِّيهْ
*******
علّمْ أهْلَكْ ووْلادَكْ
خلي عِلْمَكْ هو زادَكْ
حُطْ السّاسْ وعلي الرّاسْ
أصْلكْ طَيِّبْ وأحْسَنْ نّاسْ
حاوِل حاول لا تِحْتاسْ
يا عاشِقْ أرْض الحُرِّيهْ
يا عاشِقْ أرْض الحُرِّيهْ
*******
أعْطي جُهْدَكْ لبْلادَكْ
بالوحْدهْ تِبْني أمْجادَكْ
إيدْ بإيدْ
نِكبَرْ ونْزيد ْ
والهمِّهْ حَديدْ
يا عاشِقْ أرْض الحُرِّيهْ
يا عاشِقْ أرْض الحُرِّيهْ .