مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



عَتابا 2 ..

يناير 5, 2018
0 views

33715muwwyckzs933715muwwyckzs9حَبيبي بان الّلولو لَمَّنْ ضِحِكْ سِنّو
مينْ قالْ إن الحُبْ حَرامْ ولَهَلْ قانونْ سَنّو
ورَجَمْ النّاسْ بالكَلامْ والمَلامْ ولَلسّيفْ سَنّو
الله خَلَقْ الجَمالْ وما حَبْ الخَرابْ
**********
قَلبي في الحُبْ صَنْديدْ وفارِسْ عَنيدْ وذو باسْ
وبْيومْ إلْتَمْ الشَّمِلْ مَعِ الحَبيبْ خْدودو شَمْ وباسْ
قلْتْ مُمْكنْ أزيدْ قالْ زيدْ وزيدْ يا عُمْري لا باسْ
طارْ قَلْبي مِن الفَرَحْ فوقْ السَّحابْ
**********
لَمَحْتِكْ بِتْمَلّي جْرار المَيْ مِنْ العينْ
طَلَبْتِكْ مِنْ بَيِّكْ وحَطّيتو على الرّاسْ والعينْ
33715muwwyckzs933715muwwyckzs9طَلَبْ جَرِّةْ دَهَبْ قُلْتْ مْوافِقْ وألله المُعينْ
كانْ يومْ الهَنا والعيشِه مِنْ غَيْرِكْ عَزابْ
**********
صوتِكْ بْيِسْحِرْ مِتِلْ حادي العيسْ لَمَّنْ حَدى
حَلَفْتْلِكْ بْرَبّي ما في غيرِكْ في القَلْبْ حَدا
وما في غيري لَلْمُهُرْ فارِسْ ومْعَلِّمْ حِدا
يومْ الوَغى بِالمَعْرَكِهْ عُمْرو ما هابْ ..

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash