مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



أرشيف يناير 2nd, 2018

عتابا **

يناير 2, 2018

1368709962_3291368709962_329حَبيبي بْكُلْ كُتُبْ الحُبْ تْعَلَّمْ ودَرَسْ
وبِجْرونْ قَلْبي قَمْحاتو لَمْلَمْ ودَرَسْ
ولَمَّنْ أكَلْ حُصْرُمْ نَمْنَمْ سِنّو ودَرَسْ
يَخْدودو وَرْدْ وعَشْفافو عِنّابْ
**********
حَبيبي كُلْ ما طَلْ شَعْلَلْ بْقلْبي الهَوى
وكُلْ ما هَبَّتْ نِسْمهْ طارْ شالو مِنِ الهَوى
راحْ في العالي ناديتو عَلى كِتْفي حَطْ وهَوى
حامِلْ مَعو أشْواقِ وريحِةْ لِحْبابْ
**********
زَرَعْتِكْ وَرْدِهْ وغيري قَطَفْ وكانْ جاني
حَتّى مِرْسالْ مِن عْيونِكْ الحِلْوينْ ما جاني
حَرام البُعْدْ مَجْروحْ وجَرْحِ الغَرامْ جاني
عاشِق القَمَرْ لِلسَّهَرْ عُمْرو ما تابْ
**********
قالولي مين الحَبيبْ قُلْتْ اسمْها سَمَرْ
شو بْتحْلا الأيّامْ مَعْها ولَيالي السَّمَرْ
مَجْنونْ يَلّلي ما بيعْشَقْ الحِلْواتْ السُّمُرْ
حُبْهمْ نارْ في القَلبْ ونا ناطِرْ جَوابْ ***