مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



الوكاله ..

أغسطس 31, 2017
0 views

         يا فتّاح يا عليم يا رزّاق يا كريم يا إم صابر اليوم أوّل أيّام الشّغل 20156133_673000666232133_8886507333915065802_nفي الوكالة ولا تنسي إنّي عيّنتك سكرتيرتي وتلبسي  جديد في جديد كأنها الدّنيا عيد ، يعني أنا جوزك في الدّار لكن في الشغل أنا المدير والمسؤول ولازم تعملي مثل ما بقول وتنفذي كلامي على طول ..- يكثّر خيرك يا مديري يا تاج راسي وأميري لكن إحكيلي عن الشّغله الجديده ويجعل أيّامك كلها سعيده ..- يا ستّي الشّغله ما بدها شطاره كلها شويّة فهلوه وحسن إداره  ولازم تحطّيها في إيدك مثل الإسواره ، بتقومي بتنظيف المكتب وإستقبال المراجعين بكل أدب وكمان بتقدمي القهوه والشاي حين الطّلب يا أصيله يا بنت الحسب والنّسب ، وأهم شي الإبتسامه وإستقبال الزّباين بالكلام الحلو لحتّى يشوفو انتخاباتحالهم ويدّللو ..- ولا يهمك يا أبو صابر لكن ما قُلتلي شو هي الشّغله ..- هاذا يا ستي في هل أيّام كل شي بيعتمد على الدّعايه يعني  المطلوب تخلّي لحمار يشوف حالو حصان في لِمرايه ، والناس تشوف الكاسه تفتكرها زير والأهبل ايقولو عنه فهمان وأمير ، يعني الوكاله هي لتلميع المرشّحين للإنتخابات مثل  ما بيعملوا في بلاد الخواجات ،  المرشّح في ناس بديرو حملتو الإنتخابيّه وبيشرفو عليها من أولها لتاليها ، وبِيْفَهْمو المرشح شو يحكي وشو يلبس وكيف يتصرف وبْيِفْتَحولو في كل طريق مسدوده مصرف ، وبْيِعملو مهرجانات للمرشّح حتى يخطب في النّاس ويشبّعهم إبتسامات ووعود ما إلها أساس ، مع رش شويّة بهارات مثل ابن بلدك ابدى من الغريب ، ونار القريب ولا جنّة الغريب ، واذا كان في 2012-01-08 كاريكاتيرايدك زيت امسحو بذقنك ، وانا وابن عمي عل غريب ، وحمارك ولا حصان جارك ، ويوعدهم بحل جميع المشاكل والأزمات ويخلّي الخير للرُّكب مع عمل وانجاز كل الخدمات ، وطبعا شغلتنا كمان إنجيب هتّيفه وسحّيجه ويكونو بين الجمهور لحتّى يسقفو ويهتفو ويهلّلو للمرشّح ويحملوه على لكتاف مع اليافطات والصّور والشعارات ولِزعيق والهُتاف ، يعني بلا قافيه مثل السيّاره الخربانه بيعملولها سمكره مع تصليح ودهان وفرش وتزييت وتشحيم كمان ، وبتصير جديده طخ والكل بيرغب يشتريها وما هو داري شو الّي فيها ، ومثل ما بيقول المثل من برَّه رخام ومن جوَّه سخام ..- هالحين فهمت عليك يعني إذا أجا واحد ما بيعرف الفقوسه من المكدوسه ولا لكنافه من البسبوسه واجبنا نلمعو ونعلمو ونفهمو لحتى ينتخبوه ويقعد على قلب الناس طول العمر مثل عباس ، ونعمل طنّه ورنّه وللمنافسين نبث إشاعات مثل الحماة والكنّه ، لحتى نضمن إلو النّجاح ونقبض الأتعاب والبال يرتاح ..- يا عيني عليكي يا فهمانه بيقولو إنها الإنتخابات قرّبت وعلى الباب وإحنا قاصدين وناطرين الأجر والثّواب مع خصم عشره في الميّه للقرايب والأحباب ، والمدعومين من فوق وكُلّو عند العرب برقوق وتِتهنّو بقعدتكو على الخازوق ..  

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash