مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



فلافل ..

يوليو 31, 2017
0 views

      يعطيك العافيه يا أبو صابر..- الله يعافيكي لكن من وين بدها تجي maxresdefault (1)العافيه والحاله تعبانه وغافيه ..- بيقول المثل يا رجال من طلب العلا سهر الليالي ومن طلب العنب نكش الدوالي ، لكن قلّي لويش شوال الحمص وبُكسة البصل وتنكة زيت القلي وبتقول شاريهم بالدّين من عند أبو علي ..- يا غشيمه أنا قلت في عقل بالي لازم أرقص على النغمه يمكن تتعدّل الأحوال ونوكل جاج وكمان لحمه وأسوق مثل ما بدّو السوق وأغيّر من أحوالي وأغني يا هم لالي ، عشان إحنا شعب مُناضل وبنتحدى الوجع والبخت المايل ، ولحتى الجميع يعمل إلنا حساب مثل غيرنا عملوا دوا من الكفته والكباب ، ولأن شعوب الأرض سابقتنا بالانجازات فأنا قرّرت أعمل أكبر حبّة فلافل ، لحتى تدخل موسوعه غينيس ويقولوا عنّي مناضل ، ونرفع راسنا بين الأمم ونصير بشر بدل ما إحنا مثل الغنم ، وللاّ إحنا مش قد المقام  شاطرين بس بالخُطب وتطريز الكلام ومكانك واقف ما في ولا خطوه لقُدام ، أي عليّ الجيره غير هالعمله تخدم القضيّه أكثر من طق الحكي والمؤتمرات وغير نصير حديث كل الدنيا وخاصه في بلاد الخواجات ، يا عيني عليك يا أبو صابر قال حبة فلافل لحتى تعدّل البخت المايل ، أي يا رجال قول لازم نتعلم ونفتح جامعات ونبني مصانع ونطور الخدمات لحتى نصير متقدمين مثل الأمم والخواجات ..- قال جامعات قال يا غشيمه اللي معهم شهادات قاعدين ع القهاوي لا شغله ولا عمله ، وعلى قفا مين إيشيل طول النهار بدخنوا معسّل في الأراجيل ونايمين يومهم وليلهم الطويل ، مش لاقيين شغل وقاعدين بيقصعوا قمل ، وكتير منهم هاجروا لبلاد بره هروب من الفقر والعيشه المُرّه ..- معك حق يا أبو صابر في غياب المسؤوليه والتخطيط ضاعوا شبابنا في المقاهي والتفحيط ، أنا قايمه أنقع الحمص وأفرم البصل يمكن الحال يتغير ويعقد القمح حب وسبل ونزرع بروح شبابنا العزيمه والأمل  ونحترم الوقت والمسؤوليه وحب العمل وبلاش النوم ونقول شو ما حصل وصل …

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash