مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



طبّالْ وخُلخالْ ..

يوليو 11, 2017
0 views

نَعَقْ لِغْرابْ وقالْ –
إلْيومْ بِدّي أغَنّي هَلْ مَوّالْ
بْيِكْفينا حَرْبْ وضَرْبْ وِقتالْ غراب
بْنِعْمَلْ تَنْسيقْ بَلْكي تِتْغَيَّرْ هَلْ حالْ
وِايْصيرْ الخيرْ لَلرُكَبْ والْبالْ عالِ الْعالْ
وعمل التَّنْسيقْ وزَيَّنو بْوَرْدْ وِشْقيقْ
وِاسْتَأجَرْ لَلْمُناسَبِهْ رَقّاصَهْ مَعْ طَبّالْ
وزَيَّنْ القَصِرْ وقالو السَّقايِطْ إنّو هذا نَصِرْ
وعِمْلو طَنِّهْ ورَنِّهْ وغَنّو لَلشَّلومْ والإعْتِدالْ
ودَقَّتْ إلْمَزّيكا وهَزَّت أمْريكا
ونَقَّطَتْ بِالدّولارْ وشَخْلَلَتْ بِلْ خُلْخالْ
قالْ جِدّي وكانْ جِدّي بِيْحِبْ الأمْثالْ
شو جابْ لِغْرابْ لإمّو غيرْ الشَّقا وِالأهْوالْ
وِالْعَكَدْ وِالْنَّكَدْ وغَمِّةْ البالْ
ما هو يا زَمَنْ لَكُلْ مَقامْ مَقالْ
ألْمَيْ ما ابْتِتْعَبّا بِشْوالْ
والشَّمْسْ ما بْتِتْغَطّى بْغُرْبالْ
وَلا كُلْ مِنْ صَبَرْ نالْ
إلْهَمْ زادْ عَلى الشَّعْبْ مِنْ كُثْرِةْ الأحْمالْ
حَتّى الْكُلْ هَجَرْنا
وما بِقي إلْنا لا عَمْ وَلا مينْ يِهْتَمْ وَلا خالْ
كُلْ وعودَكْ يا غْرابْ إلبينْ فَنْكوشْ وكَلامْ عْيالْ
سيبْ الحِمِلْ وخَلّيكْ قَصِّعْ قَمِلْ
لِأنْ الأحْمالْ بِدْها ارْجالْ
وصَدَقْ مينْ قالْ -
في زَمَنْ لِغْرابْ بِعِمْ الخَرابْ
وِبْيِعْمَلو لَلْمُحْتَلْ تِمْثالْ
وثَوْرَهْ حَتّى النَّصِرْ مِنِ الصُّبْحْ لَلْعَصِرْ
وبَعْدِ الْعَصِرْ بْنِعْمَلْ هيصَهْ وإحْتِفالْ ..

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash