مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



مهلّبِيّه ..

أبريل 25, 2017
0 views

      يا ام صابر امفكّر أفتح شركة استيراد وتصدير ..- خير يا زلمه شو 13508927_10208706178305355_5272654979357447514_nناوي تصدّر بندوره وفقوس ..- لا يا ستّي لا بندوره ولا فقّوس ولا حتّى خيار مكبوس المشكله بهل وطن ان جميع النّاس قاده يعني ما في عنّا شعب والمسؤولين مثل الهم علقلب أنا بفكّر أستورد ناس لحتّى نعمل شعب مثل باقي خلق الله ..- يا عيني على أفكارك يا أبو صابر لكن بعدما ايصير عنّا شعب مين بدّو يحكم البلاد ويسوس بمفهوميتو هالعباد  أكيد رايحين نعمل انتخابات لأنّا شعب بنحب الدّيمقراطيه مثل حبنا للمقلوبه والمنسف والمهلبيّه ومين رايح يضمن عدم التزوير ورشوة الغني للفقير ..- يا ستّي اذا الفقير باع صوتو ذنبو على جنبو ..- لكن يا أبو صابر احنا ناس بتتحكّم فينا العشائريّه والقبليّه وما زلنا بنعيش في عصر الجاهليّه وأنا متاكده انّو كل واحد رايح ينتخب ابن بلدو أو قريبو لأن المثل بيقول أنا وأخوي على ابن عمّي وأنا وابن عمي عالغريب وحالنا رايح يظل متعوس وعجيب ومش رايحين ينتخبو الفهمان والجدير بالمنصب ..- والله معك حق يا ام صابر وهذي مصيبة المصايب في هذا الزّمن العايب السايب يعني ما بكون الرّجل المناسب في المكان المناسب والحال بظل مثل الشوربه مايص لايص  يعني تيتي تيتي مثل ما رحتي مثل ما جيتي ..- طيّب شو رأيك تستورد كمان حكّام لحتى تحل المشكله وترضي الجميع وما يتقاتلو مع بعض وبنعمل صلحه مع تطبيع ..- يعني شعب مستورد وحكام مستوردين والناس الموجودين شو وظيفتهم ..- بسيطه في الهم وظايف يعني البعض بيمسح جوخ وناس سحّيجه وناس منظرين وناس عسس وأتباع للمسؤولين وناس ما بيهمهم العير من النفير وناس لو الدّنيا امطرت حريّه بتلاقيهم بيحملو شماسي وبيقولو وانا مالي وسلامتك يا راسي وناس للرّدح والزعيق والنهيق وناس نايمه عمرها ما بتفيق أي صدقني غير نقضي عالبطاله وتتغير عنّا هالحاله ..-وبعديها بنقيم الدبكات وبنغني تلولحي يا داليه ..- موفق يا أبو صابر وربي يخليك لهل وطن ويحفظك من الحسد والنّكد وكل المحن .. 

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash