مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



مَوّالْ ..

فبراير 10, 2017
0 views

حَسّونْ غَنّي عَالشَّجَرْ مَوّالْ
طَرْبانْ في زَمَنْ خَرْبانْ 004
ما بِدْري شو هي الأحْوالْ
مَهي القِصَّهْ صارَتْ مَعْروفِهْ لَلكُلْ
ضاع الوَطَنْ وزادَت المِحَنْ
حِصارْ ومَهانِهْ مَعْ ذُلْ
وما عادْ في شي جديدْ تَيِنْقالْ
إلّي قَبَّعْ قَبَّعْ والّي رَبَّعْ رَبَّعْ
والّي بيِتِجَوَّزْ إمّي هو عَمّي
والشَّمْسْ ما بتتْغَطّى بغُرْبالْ
الكُلْ نايِمْ نوم العَوافي
ما دامْ الكَرْشْ ملْيانْ والجيبْ دافي
والّلبْسْ افْرَنْجي
والحالْ برِنْجي وعال العالْ
لويشْ البُكا والزعيقْ
مَهي المُفاوضاتْ ماشيِهْ مَع التَّنْسيقْ
وكلْ منْ صَبَرْ نالْ
العَجَلهْ مِن الشّيطانْ
خُطْوِهْ خطوِهْ بالقيراطْ والميزانْ
وكبيرْ السّيرْكْ مِثل الأراجوزْ صال وجالْ
في كُلْ عُرْسْ إلو قُرصْ bird_66
مِثلْ رَقّاصَهْ لابْسِه خُلْخالْ
مَهو أبو المَفْهومِيّهْ
وحامِلْ عَلى كتافو القَضِيِّهْ مِن أجْيالْ
شكراً يا كبارْنا مِنكُمْ مَمْنونْ
بيِكفي فَشِرْ وضِحكْ على لذْقونْ
إلغُلبْ صارْ عَلقَلبْ جْبالْ …
يا ناطرين الفَرَجْ وكلْ مينْ صَبَرْ
سوق الحَلاوِهْ جَبَرْ وتِعِب الحالْ
قولْ ميتْ قَرْنْ أو ميتينْ
تَيْبيض الدّيكْ ويولد التّيسْ عَنِزتينْ
وتُرْقُد المَيْ في الكُرْبالْ
بهِمِّة الفَهْمانينْ راحْ نِرْجَعْ لَوَرا
ونوكِل العَلْقَمْ والشّوكْ مَعِ الخَ .. )
إذا بقي الحالْ عَلى هَلْ مِنْوالْ ..

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash