مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bahlool@hotmail.com



طنجره وغطاها ..

يوليو 17, 2016
0 views

         يا إم صابِر يا إم صابِر ..= خيرْ يا أبو صابر مالكْ بِتْزَعِّقْ ..= بَقولْ imagesناوليني المُسَدَّسْ .. لا لا البارودِه أحْسَنْ وبْسُرْعَهْ ..= لويشْ البارودِه شو قامَتْ الحَرْبْ ..= لا حَربْ ولا ضَربْ يا ستّي بدّي أروحْ أطُخْ جارْنا ..= شو بتْقولْ يا رِجّال النّبي وصّى على الجارْ حتّى لوْ جارْ ..= أيْ صَدقيني كومْ حجارْ ولا هل جارْ يا فهْمانِهْ مَنْظَرُهْ مشْ عاجِبني مِقرفني في عيشتي ومغَلّبْني كَمانْ مِشْ مرَبّي حمارُهْ ولا عامِل إعتبارْ أو شانْ لجارُهْ ، هذا حمارُه دايْما إزْعيقْ ونْهيقْ حاطِطْ عينُهْ على حمارِتْنا كأنْها الأمورْ سايْبِهْ وحْمارِتْنا داشْرِهْ وعايبِهْ ، وكَمانْ إبنُهْ كُلْ ما نَطْ الكوزْ بالجَرَّهْ بيُضْرُبْ الوَلدْ صابِر عامْلُهْ مَطسِّهْ بسَببْ ومنْ غير سَببْ يَعني زَعْرَنهْ وقلِّةْ أدَبْ ، مَهي الحالِهْ صارَتْ فَلَتانْ مِشْ عايشْ بهَلْ بَلَدْ غيرْ الزُّعْرانْ ..= لكنْ يا أبو صابِر كُلشي بالتَّفاهمْ بيْصيرْ وكُلْ أزْعَرْ في إلُهْ كبيرْ وكلْ غَنَمِهْ في إلها مينْ يرْعاها وكُلْ طنْجَرَهْ إلها غَطاها ..= هذا جارْنا ما بيِنْفَعْ مَعاهْ التَّفاهمْ وفاكرْ إنْها حيطْتي واطْيِهْ وقَصيرهْ وإنّي عرِّةْ الرجالْ في الدّيرهْ ، أيْ لازمْ أعَلْمُهْ المَراجِلْ ووَقِعْتُهْ معْ مين وأفرِّجْ عَليهْ كُلْ خَلقْ الله حَتّى الشَّياطينْ  وأدَشْدِشْ عضامُهْ 10480961_839260136159714_2105174268724053144_nمثلْ العَجينْ ..= يا أبو صابِر أنا فكَّرْتْ إنُّهْ بدَّكْ البارودِهْ عَشانْ إتْدافِعْ عَن الأرضْ إلّي صادَروها للمُسْتوطنِهْ ..= يا مْعَدَّلِهْ الأرضْ إلها رَبْ بيِحميها وشو طالِعْ بإيْدي إذا كانْ كبيرْها حَراميها ، وكَمانْ مَكتوبْ في الكُتبْ إنها الإرضْ لعِبادْ الله المؤمنينْ القابضينْ عالجَمِرْ وصابرينْ يَعني آخِرْتْها ترْجعْ إلنا منْ غيرْ شَقى ولا تَعَبْ ومنْ غيرْ مجْهودْ ولا عَتَبْ ، وبيقولو لمّا ينْطقْ الحَجَرْ ويرْجَعْ المَهْدي مِن السَّفرْ ..= طيِّبْ لوْ أخَذْتْ البارودِهْ وصارْ إشي لجارْنا راحْ يِنِخْربْ بيتكْ ومِشْ رايْحينْ يُسكْتو عنّا يعْني رايْحينْ يعامْلوكْ بالمِثلْ والقتِلْ قبالُهْ قتِلْ ..= أنا ما بِدّي أقتُلهْ يا غَشيمِهْ بَسْ بدّي أخَوْفُهْ بدّي أطُخْ في السّما وعلى رِجْليهْ ومِنْ حَواليهْ وإنْتي عارْفهْ العادات كُلْ الحَقْ والمُسْتَحَقْ بيْروحو بالطّبيخْ والنّفيخْ وفِنْجان قَهْوهْ وطَبْعا مَعْ رَشْوِهْ للمُختارْ وكَأنَّكْ يا شَرْ ما دَخَلْتْ الدّارْ ..= أنا ما بَوافِقْ على خُرّافَكْ والله يِهْديكْ وأذْبَحْلكْ جاجِهْ معْ ديكْ ..= ليشْ هو أنا دَنْدَكِهْ لحَتّى أسْمَعْ كَلامْ النّسْوانْ خلْصي قَبلْ ما أحْلِفْ بالطّلاقْ ويْكونْ بيننا البُعدْ والفْراقْ ..= أسْتغْفِرْ ألله يا رِجّالْ ما بيِكفي كُلْ يومْ طخْ وقتِلْ على الكبيرِهْ والصغيرِهْ حتّى صِرْنا مِثلْ لوحوشْ في الغابِهْ وعَدُوْنا مبْسوطْ وبيغَنّي عَلْدَّفْ والرِّبابِهْ  والحالْ سايِبْ وما في حَدا بيْحاسِبْ ، يا حيفْ على هيكْ ناسْ وبيقولو إحْنا أهلْ وفي المَفْهوميِّهْ الأصِلْ والأساسْ ، أكيدْ لازِمْهُمْ دروسْ في الأخْلاقْ العاليِهْ ومينْ رايِحْ يِلْغي هلْ عاداتْ الباليِهْ .. وتْلولَحي يا داليهْ …

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash