مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



أرشيف سبتمبر 22nd, 2015

بَحِبِّكْ ..

سبتمبر 22, 2015

بَحِبِّكْ ..
وحُبي وِِسْعِ الفَضا والمَجَرّات
وبَكتُبْ حُبي الك عَلى النّدى والغَيْمات
تَيْصيرْ حَبّاتْ مَطرْ ويِنْزِلْ كِلمات
تِرْوي العَطشْ وتِفرِّحْ النّسمات
ويهلْ الرّبيع وتتفَتّحْ الوَرْدات
وِتْغنّي البَلابِلْ وتُرقُُصْ الفراشات
والبَناتْ عالعيْنْ يِمْلوا جْرارْهُنْ بِالمَيّات
ويِتْهامسوا بِالأَسْرارْ وشو صارْ مِنْ خبْرِيّات
ويِحْكوا عََنْ حُبّي إلِكْ قِصَصْ وحْكايات
بَحِبِّكْ ..
وحُبّي الِكْ وِسْعْ الكَوْنْ والفَضا
وسْعْ الحاضِرْ والزّمَنْ اللي مَضى
نَعيمْ ونََسيمْ الحَياه  جَنِّهْ ورِضا
مَكتوبْ حُبِّكْ في قلبي قَضاءْ وقََضا
وبْيِهْتِفْ بإسْمِكْ مَعْ كلْ دَقّهْ بيْغنّي غِنّيّات
بََحِبِّكْ أيْوهْ انْتي
بَحِبِّكْ مِنْ يومْ ما كُنْتي
بَحبِّكْ وبقلبيْ سَكنْتي
يا حِلوة الحِلوات ..