مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



بلفون *

مارس 7, 2014
0 views

         يا ابو صابر اشتريلي بلفون … = آه هذا اللي ناقص يعني كمل النّقل بالزّعرور وقال بدها بلفون السّت بدور … =  ليشْ يعني انا حظي ناقص وبختي عدمان ولايص يا ابو صابر البلفون صار ضروري وبيستعملوه كل النسوان ولا انا مش قد المقام والفرح للحزينه عيب وحرام … = لا تقولي حرام وتنُقي على راسي مثل الحمام البلفون بيلهيكي عن شغل البيت وبسبِّب مشاكل وبتقولي مش انا اللي حكيت وبتقضّي وقتك في طق الحكي مع الجارات واخبارنا بتصير منشوره في كل الحارات ، هذا غير الناس الساقطين اللي شغلتهم255485_464738086910910_747789686_n المعاكسات ، وانت عارفه انّه البلفون بيْكلف مصروف وانا حالي مثل الدّيك المنتوف … = مَهو المثل بيقول أجت الحزينه لحتّى تفرح ما لقيت الها مطرح ، وبيقول كمان عند الخدمه نادوا نعمه وعند اللحمه نادوا رحمه ، بذكرك يا ابو صابر انك اشتريت لأختك بلفون نقوط لمّن خلّفت يعني أختك بيلبقلها وأنا لا … = لا يا ام صابر الموضوع وما فيه ان اختي بتشتغل موظفه والبلفون لازمها وضروري لشغلها لكن انتي طول النهار بالبيت لا شغله ولا عمله هذا هو كل الموضوع ويا ريت كلامي يكون مفهوم ومسموع … = مهو يا ابو صابر عشان انا محبوسه طول النهار في البيت وانت بتكون بشغلك أي صدّقني بشتاقلك وبشتاق احكي معك …= يا عيني قولي هالخراف من زمان واطلعي من قلبك الكلام الحلو والحنان ، عليِّ الجيره يا ام صابر انك مخبَّيه في قشورك ، طيّب على شان هيك رايح اشتريلك بلفون لكن بشرط … = موافقه وشو هو الشرط … =  اتسمْعيني كل يوم كلام حلو على البلفون بيفتح النفس … = ما انت عارف يا ابو صابر قدّيش قيمتك عندي ومع هذا رح اقولك انّي بحبك … = طيّب وليش ما بتقوليها شخصي وقدامي بدون بلافون …؟ = يا ابو صابر لا تخجّلني أي صدقني اني بخجل اقولها … = يعني خلّفنا قُرطة اولاد وبتخجلي تقوليها يا ستي اذا هيك مرحبابك رايح اشتريلك احلى بلفون لحتى تقوليلي بحبك على البلفون والمثل بيقول الريحه ولا العدم  ***

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash