مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



أرشيف مايو 24th, 2013

صباح الخير ..

مايو 24, 2013

أصبحنا وأصبح الملك لله ..

صباح الخير للحاكم يلّي لصوت الشعب  بيسمعimage410
صباح الخير للسّهران عالحدود بيحضن المدفع
صباح  الخير  للحر أبدا  للظلم  ما  بيركع
صباح الخير للشقيان ناطر الشمس حتى تطلع
صباح الخير لكل عامل  وشغّيل  في المصنع
صباح الخير  لكل  أيد  ابتحصد   وبتزرع
صباح الخير لكل انسان بيصلي للخالق وما هو للحاكم بيسجد وبيركع
صباح الخير للموظف بدون رشوة وتمييز بيخدم  الناس ما أروع
صباح الخير  للطبيب بيشيل الألم عن المريض لمّن يتوجّع
صباح الخير للمهندس بعمِّر البلاد حتى تكون أجمل وأروع
صباح الخيرلأسمى من لقوانين الحق  والعداله  شرَّع
صباح الخير لصوت  العدل  في  المحاكم  لمَّن  يطلع
صباح الخير للفنان  بيحكي  هم  غيره  وهو عمْ  يتوجع
صباح الخير للتاجر الّي بيخاف ربنا والأسعار ما بيرفع
صباح الخير لكل  طالب  وسهران  الليل  للعلم  بيجمع
صباح الخير لكل أم بتربي ولادها على حب الوطن والخير للناس أجمع
صباح الخير لكل أب بيسعى على رزق عياله اذا ما الفجر شقشق ولمّع
صباح الخير لكل مواطن بيحترم الرأي الآخر حتى شمس الحريه تطلع
صباح الخير للجميع …
مع  أحلا  كاسة  شاي  بالنّعنع …