مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



يا زَمَنْ الرِّدِّهْ

فبراير 23, 2013
0 views

يا زَمَنْ الرِّده طالتْ مدِّه بقلبْ الشِّدّه قالوا الوحدِه بَحْ  وطارْ
عنّا إمارَه  ضِفّه وحارَه وعنّا إدارَه  كلها شَطارَه  وزرا كتارْ
ناسْ تخَطّط  قرْدْ تنَطّط  زَمَنْ تمَطّطْ ضَريبه تْحْطّط  هالتّجارْ
نامي قضيِّه عيشه رَضيّه قالوا هنيّه  بيقبِّضْ  مِيّه  بالدّولارْ
وقالوا وزارَه شَدْ زراره بِدْها  شَطارَه نَشَرْ اسْرارَه  بالأخبارْ
رايحْ  جايِه  متل الدّايه  حامل  رايه  هاتوا النّايه  للمِشوارْ
يا عبّاسْ  لا تحتاسْ  قالوا  النّاسْ  علّي  السّاسْ ولا  تِحتارْ
خيرْ  كثيرْ  بلقناطيرْ  مَهْما  ايْصيرْ  عنّا   كبيرْ  حامي   الدّارْ
شِدّه تْعدّي بزَمنْ مْصَدّي طيرْ وهدّي وهات العدّه نِعمَلْ  زارْ
نرْقصْ  دَبْكه  نشْبكْ  شَبكه نحْبكْ حَبْكه  ونِعلكْ عَلكه عَالدّوارْ
شَعْبكْ فاضي عايِشْ راضي عامِلْ قاضي لسانوماضي هالثّرْثارْ
يا شعب القادَهْ مثل العادَه كرسي زيادَه وقهوه سادَه وكمْ مُختارْ
إدْفن راسك وانْسا ناسَك  شِدْ انفاسك أشْرَبْ كاسَك وكول خيارْ
ناموا  نِنّي  وحْلوا عنّي  بِدّي أغَنّي   يا  مْجَنِّنّي  مَهْما  صارْ

Be Sociable, Share!


أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash