مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



أرشيف مارس 4th, 2012

طَلْ القَمَرْ

مارس 4, 2012

طل القَمَر في الليل عالحارَه
غمَرْ نورُه قلبي الولهان
سألني شو باك وشو لِعباره
قلتْ مِن هجْر الحبيب بَعدي سَهران
قلي يا مْعتّر حبيبتك شو مِحتاره
بعدْها ما رِسيِتْ على عُنوان
وأنت حيران بتشكي البُعد وناره
حرام السّهر من غير حُبْ وحنان
سيبكْ مِنها وشوف بنتِ الجارَه
ناطِرتك عالشّباك بغصُن ريحان
وبغمزات عيونها بتبعتلك إشاره
مِرسالْ إلهوى مَع سِحرْ فتّان
عَمْ بتقلك يا جار بيكفيك شَطاره
إلجار للجار مكتوب بكلّ الأديان
ناطِرتك تِسمع دقات قلبي وأخبارَه
وعازمتك شي يومْ على البُستان
حتّى تُقطف عَبير الوَردْ مع نوّاره
عالخد مَصفوف أشكال ألوان
وعيون مكحّله مِثل الليل وأسرارَه
والقدْ مَمْشوق مِثل غٌصنْ رُمّان
والخصِرْ يادوب تفوت فيه إسوارَه
واللون مِتل دَهب أبيض حلو رنّان
والشعر خيوط الشمس نازله محتاره
بتهفهف على الصدر تكتب ألحان
حوريّه مِتل القمَرْ كلها نظارَه
بأرضها مزروع أحلا تيجان
مهما لفّيت هالدّنيا دوّارَه
ناطرَك حُضن الحبيب وْلا تقول تَعبان ..