مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



أرشيف فبراير 28th, 2012

مُساواه .1..

فبراير 28, 2012

    يا فهمانه قولي للبنت صبريّه تعمل فنجان قهوه  علشان راسي مايل ..= سلامة راسك يا ابو صابر انا بعملك احلى 1546257_405743789528373_574017116_nقهوه وطلباتك اوامر وتظل للبيت حاضر..= وصبريه ليش ما تعمل شو في على اديها الحنّى..= يا ابو صابر صبريه قاعده على البرنده بتقرا في المجله ..=  شو بتقولي يا حرمه قاعده على البرنده وبتقرا في المجله كمان يا فضيحتك يا ابو صابر بين كل الخلق هذا اللي ناقصني قال من وينلك هم قال بيجيك من القريب وابن العم ..= وشوفيها قعدة صبريه في البرنده وكمان خليها تقرا وتتثقف ..= اول حاجه قعدتها في البرنده ما هي لله اكيد قاعده بتعرض حالها لولاد الجيران ومين عارف يمكن شابكه الخط مع واحد منهم حتى ولو بالاشاره وثانيها شو مكتوب فيها المجله يمكن تكون مجله كلها صور خلاعه وبلاوي اخر الساعه وتتفتح عيون البنت وما ترضى بالقناعه انا قايم اشوفها لانك ما بتعرفي تربّي حتى جاجه ونافخه حالك مثل لكماجه ..= لا لا بلاش تقوم وتعمل النا فضيحه على سمع الجيران انا بحكي معها لكن صدقني يا ابو صابر انك غلطان ولازم تعطي البنت شويه حرّيه لحتى تكسب ثقه في نفسها وتعرف الصالح من الطالح ولمّن تتزوج ما تكون غشيمه قدام عيلتها وزوجها ..= ايوه غردي يا ستي ما هو عميان القمار جاي منك ومن تصرفاتك وافكارك هذي  . بنتي وانا بعرف كيف اربّيها وقولي للولد صابر ايروح على الدكان لحتى يشتري علبه سجاير لانك خليتي انتي وبنتك عقلي من راسي طاير ..= صابر مش موجود بالبيت وصار الوقت نص الليل وحضرته داير يتقصوع مع اصحابه ونسيان اهله وحبابه ..= وشوفيها خليه يتقصوع ويشوف حاله مهو صار رجال وزينة الدار وصابر ولد ما بيجي منه معيار ..= يعني قصدك تقول انه الولد شو ما بيعمل مسموح لكن البنت حتى ممنوع عليها تقعد بالبرنده او تقف على الشباك او حتى تقرا في مجله .؟..= هي انتي قلتيها بعضمة لسانك ..= لكن هذا تصرف غلط وما في عدل ..= يا فهمانه صابر شو ما عمل بيظل رجال لكن صبريّه بنت وكل حركه محسوبه عليها بالمجتمع وبين الناس وبقيسوا كل حركاتها بالمقياس ..= يا ابو صابر حضرة المجتمع غلطان لان البنات في بلاد بره بيشتغلوا في المصانع والمزارع والدوائر والوزارات وحتى بيسوقوا طيارات وقطارات واحنا عنا ممنوع على البنت حتى تلبس بنطلون وتحكي بالتلفون او تقف على البلكون او تحكي مع الجار حتى لو كان كلام موزون او حوار يا ابو صابر البنت نص المجتمع لويش ايكون معطل وفاشل وقاعد يندب حظه او ينتظر العريس في زمن ما بيرحم قال لما تنزل البنت على السوق لازم اخوها يكون معها حتى لو كان هذا في النهار والولد يكون خارج البيت وبتقول ما هو معيار وين العدل والمساواه مهم الاثنين خلق الله ولويش بنزرع الخوف والحيره بقلوب بناتنا وبهيك بيغلطوا لان ما عندهم ثقه نتيجة الخوف ولانا بنسجنهم في قوالب من الحيره والشك وبنقتل في انفسهم كل طموح وبنكتم على صوتهم لحتى يظل مبحوح وبنحاسبهم حتى لو طلعوا على السطوح وبنطلب منهم ايكونوا ملاك واحنا مقيدينهم في قفص وحواليه الاسلاك انا معاك يا ابو صابر الحرص واجب ودرهم وقايه احسن من قنطار علاج لكن بالتوجيه والتثقيف وفك القيود والمعرفه بدل التعتيم  الوضع بيكون افضل ومستقيم وما بيغلطوا لان ما عندهم وعي كافي وثقه نتيجه الخوف او حب التجريه وتمرد على القيود دون ادراك النتيجه وكمان في كثير بنات بيرضوا الزواج من اي واحد بيطرق باب دارهم لحتى يهربوا من واقعهم ويتخلصوا من القيود والنتيجه فشل كثير من حالات الزواج لانها قامت كصفقه تجاريه دون معرفه كل واحد للاخر والكلام كثير في هالموضوع لكن كلامي عند حضرتك لانك رجّال غير مسموع حتى لو بضويلك اصابعي العشره مثل الشموع …= والله يا ام صابر انه كلامك موزون لكن انا حريص على البنت احسن ما تقع الفاس في الرّاس وإنتي شايفه وبتسمعي تعليقات وكلام النّاس ، لكن أنا لازم أحمد ربّي لأنه عندي زوجه واعيه مثلك وكلها إحساس ، وهالحين عليكي دور تثقف البنت وتعليم البنت الصّح من الغلط والفرق بين الطوب والزّلط … لكن شو صار بعقلك يا ابو صابر أي أنا طول عمري رجّال إبن رجّال يعني بدّك اتخلي مره تحكمك ؟ وشو قصدك يا فهمانه بدّك توكلي بعقلي حلاوه . لكن إسمعي تقلك يا معدّله شو رايك أحلق شواربي وتصيري إنتي الزّلمه وانا المره ، أي عليّ الطلاق غير أعمل اللي في راسي حتى لو بتقولي عني عنيد وقاسي . يا عيني عليك يا أبو صابر مرتك بدها اياك تكون طرطور وتحكم وترسم مثل المأمور شو رايك يامعدله ألبس المنديل وانتي تصيري الآمر والدليل ، وأصير أنا الحرمه وحضرتك تكوني كبيرة الدار ، وأنا قاعد في القرنه مثل ابريق الفخار ، وأشتريلك حطه وعقال وتروحي تسهري بدل مني مع الرجال ، أنا سايرتك وسمعتك لكن أنا بعمل الّي في راسي وبعرف خلاصي ،،،، = طيّب يا أبو صابر إعمل الّي بيريحك لكن البنت خطيتها في رقبتك وخليها قاعده  للجلي والطبيخ والأحسن تحطها في داخل قفص وتعد عليها حتى النفس  ،،،،، يا ناس كيف بدّو ينصلح هلحال وفي بالدّنيا مثل هذا الرجال ؟؟؟!

نشرت في جريدة القدس بتاريخ 27/4/2012