مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



كلنا للوطن …

أبريل 28, 2011
0 views

يا  ليل  ليش  طال  ليلك  علينا  كتير
سؤال  كبير  وفيه  همسة  عتاب
ونا  مثل  شاعر  بيغني  في  قاع  بير
ما حدى سامع صوته ولا حتى صوت الرباب
المشكله بهل وطن كل واحد عايز ايكون كبير
ما  بيرضى  ايكون  نفر  او  حتى  بواب
والحال  سايب  ومن  غير  تدبير
مثل  غرفه  مشرعه  الها  اطنعشر  باب
كيف  بدك  تحرسهم  ومين  الغفير
سؤال  حاير  داير  من  غير  جواب
يا  رب  يا  سامع  الدعى  يا  قدير
خلصنا  من  الهم  وفرقة  الاصحاب
وبنقول  الحق  عالمحتل  وعلى  الغير
وبنشكي  ونبكي  للعالم  والأحباب
يا  عيب  الشوم  شو  عيب  البيصير
ارحمونا  يا  فهمانين  وكفى  خراب
ضاعت  القضيه  في  قال  وقيل  وتكفير
والأمل  ضاع  وتلاشى  مثل  سراب
حتى  ما  عاد  في  تقرير  للمصير
الكل  منكم  مقصر  والزمن  دولاب
شاطرين  بالخطب  والعتب  والتشهير
مثل  متعوس  غاب  وما  جاب
بيعدي  الزمن  وما  بيرحم  التقصير
يا  ويلكو  من  الشعب  يوم  الحساب
لكبير  بيكون  حامل  رايه  ونفير
بيسهر  عالوطن  والناس  والتراب
بيحب  الكل  غني  فقير  كبير  صغير
هاذ  همسه  بقولها  من  قلبي  الما تاب
هتف  للوطن  وما  هو  للمخاتير
ولا  للدولار  والذهب  وما  هاب
لا  تكونوا  للغير  عبيد  ونواطير
لان  الغير  مثل  البوم  بينعق  للخراب
والهم  عالقلب  والغلب  أكوام  وقناطير
بزمن  صارت  الفرقه  فيه  شعار  ومحراب
والكل  نايم  وبنقول  ثوره  حتى  التحرير
عتبي  عالقادر  وما  بيدفش  هالدولاب
نام  بحضن  الوطن  نني  يا  كبير
والبيارق فوق المكاتب والكراسي يحرسها الشباب ..

(بالامكان الاستماع ومشاهدة هذه القصيدة على الرابط التالي)

http://www.youtube.com/watch?v=z5EiReEWwsU&feature=related

Be Sociable, Share!

  1. سيد ابو ريشه Said,

    جميله ومعبره عن احوال الامه العربيه ومهما طال الليل لابد من طلوع الفجر

  2. أبو الحسن لرقط Said,

    إيه ياخوي ما بقي معبد و لا مسجد و لا دير….و لا شفنا قس و لا شيخ جوا المحراب
    و لا ريس بقصرو يصلح اسد إلو زئير………..و لا عالم يثلج الصدور و الألباب
    ما في غير النعق و الخور و زفير و شخير……و مثل قولك يا راشد وصف و جواب 

  3. روان Said,

    والله كلام جواهر و كلام معبر
    يسلمو على هل مقالة الحلوة هاي

أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash