مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



خارج الخط …

أغسطس 2, 2010
0 views

خارج الخط … شيء للقلب والذكريات  -  كلمات جودت راشد الشويكي

يا بير يا بير … ياما بحدك حكينا حكايات

وياما سهرنا عضو القمر .. والنجمات

وياما قلنا اشعار … وحكينا اخبار

عن الحب واهات القلب … والحلوات

كان الصدى صوت انغام طول المدى

وعناقيد العنب حباتها … سكر نبات

والياسمينه شو كانت فرحانه

2387fa72387fa7بحدها بلبل بينادي البلبلات

وحباتك شو كبرو يا رمانه

ناطرين مين يقطفهن بالديات

كان القلب بيدق وبالحب هيمان

ع نغمة صبا شو تحلى الدقات

والعين جفاها النوم من الحرمان

وبين الوعي واللا وعي عم ترقص الجنيات

مالت على زند الحبيب من النشوه

على صوت اوتار الروح كانت النغمات

وبحضن الليل والندى مسافر لبعيد

هب الهوى ورجع النسمات

حط على زهرة فل .. ووراق الورد والياسمينات

صار متل دموع الشوق منشور

مطرزه باللولو حبات حبات

وكان صوت الزيز بيغني بالليل سهران

يمكن فرحان … يمكن هيمان

بيقول قصة حب مع الاهات

يمكن حيران … يمكن قلقان

ما بدري لشو الغنيات

يمكن هجره الحبيب والرجا ما عاد ايجيب

ولا حتى عتب كلمات

مسكين عم يتوجع … والحبيب ما عاد يسمع

وبيقول فات اللي فات

مات مقهور بعز الشباب

وصوته ضل مسافر .. بعده ما مات

 

نشرت في جريدة القدس بتاريخ   17  * 12  * 2010
Be Sociable, Share!

  1. maryoma Said,

    مرحبا
    مساء الخير المعطر
    عجبتني مدونتك ورائعة كتييييييييييير

  2. حسین بن عبدالله الشویکی Said,

    السلام علیکم
    احسن الله الیک ولا تعب لسانک والهمک الله الحکمة والنطق یابن العم ایها الشویکی
    اخوک من ایران

  3. الشاعر المصرى عماد محمد سالم Said,

    شاعر عظيم وانا اسف انى لم اقرأ لك قبل ذلك ارجوان تنشر قصائدك فى الجرائد المصرية واتمنى ان التقى بك فى مصر للتعرف عليك واقامة امسيات شعرية لك يا شاعرنا العظيم

  4. أبو الحسن لرقط Said,

    رائع كلامك و منضوم نضم الخرز حبات حبات……كلام يسري مثل ما تسري المي بين الوردات
    يا مين يعرف شوكي يدلني حتى أطبعو بقبلات…..و أحب على راسو من زين رسمو و احكايات
    ما كان الزيز يغني و لا فرحت الياسمينة و البلبل….و لا كبرو حبات الرمانة و لكان للقلب دقات
    لوما نضم نضمو و سحر ثمو و ثار عقلو حكمة…..و بالعسل عفر كلماتو حتى صارت نجمات

  5. مشاعر شاعر Said,

    قصيدة رائعه بوركت وبورك نبض قلمك وابداعك يا شاعرنا المبدع

أضف تعليقك

*

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash