مـن حـكـايـات بُهـلـول – مـدونـة الكـاتـب الشـاعـر جـودت راشـد الشـويـكي

hikayat_bohlool@hotmail.com



أرشيف يوليو 17th, 2010

اول الكلام ..

يوليو 17, 2010

اول الكلام ..   شعر جودت راشد الشويكي

 اول الكلام حرف .. وبعديه الكلام بيكتر

بيقولو يبني في اخر النفق ضو

لكن انا شايف في اخر النفق معبر

عليه حراس كتير كتير .. وفيه مليان عسكر

والناس مصفوفين .. اللي ممنوع واللي مسموح

وبطلوع الروح لمن يمشو خطوه او اكتر

فيهم العامل والطالب والمريض والملهوف

والصف بيزيد حتى صار صفوف

وحتى يجيك الدور بعد مش معروف

يمكن لمن يصير لون التلج اسمر .. !

وكل يوم ورا يوم يا ابني الجدار بيزيد

والبنيان عتلال الوطن يكبر

ما هي القصه صارت من زمان

Candle-05-juneCandle-05-juneبدايتها لمن كان شعر ستك اسمر

قالو في مشكله ولازمها حل

يومها قعد المختار وفكر

قال انقص جديلة سلمى

وننسج من شعرها خيمه

وان زاد شي بنعمل منه دفتر

نكتب فيه بدموع الالم ذكريات

وعتلال الوطن شو في حكايات

واغاني السمر يومن كانت عل بيدر

وما حد ينسى مفتاح بيته

حتى لو الباب اتكسر

و مرت سنين يبني واحنا ناطرين

و كل يوم ورا يوم بيتوجع القلب و بيتحسر

قالوا يمكن تهب الريح

وما عاد يكون في تصريح

لا هبت الريح .. ولا قامت العسكر

كل الابواب صارت مسكره

و من يومها واللوز في حضن الوطن

ما عاد زهر

نشرت في جريدة القدس بتاريخ 12-11-2010