بقلم الوفاق

زمان و انا صغيرة كان كل أمنيتي أني اكبر بسرررعه و اعرف انزل عن الدرج لحالي من غير ما حدا يمسك ايدي اشتري هدومي لحالي من غير ما تشتري ماما هدوم انا ما بحبش الوانها اكل الاكل الي بحبه شكولاته و شيبسي و ليدن و برنجز و بوظة بتخلي عندي التهاب بالحلق من غير ما تحكيلي ماما لأ مش مفيد لأ التسوس لأ حرام عليكي غلبتيني و تضلها تأكلني حجات انا ما بحبش أكلها

كانت امنيتي أروح الجامعه و البس حجات غير المريول اللي بذكرني في المساجين قبة و شبره بيضه و شنطة بتهد كتافي اشتغل و يكون معي فلووووووووووس علشان اوزع على الصغار و  ما يعيطوش و كل واحد يشتري الي بده اياه شكولاته و بوظه و البس جزمه بكعب عااالي و اطقطق فيها طق طق طق طقاااطيقوو(( يا الله ما احلى هالصوت))
اتخبى لخواتي تحت الدرج و أقول بــــــــــخ و اضحك عليهن و اشوف الخوف الحلو بعينيهن هههههههههه
كانت احلام صغيرة لكن وقتها كانت بالنسبة الي كل الدنيا و هالقيت بعدما اعتقد و فيم يشك به غيري اني كبرت و طلعت و اكلت و لبست و عملت و اتعلمت و اتجوزت و خلفت

بحكي لحالي بنفع ارجع ثـــــــــــــــــاني؟؟
آآآآآآآآآآآآآآه لأيام اكبر همي فيها ماما هتديني سندوش مربى و لا جبنة؟؟ احط السندوش على الحجر و لا ادية لصحبيتي؟؟
مصروفي قديش؟؟ طيب شو البس العروسه تبعتي؟؟ وين اخبي بستي من ماما؟
أيام الدفا الدفا اللي بجد ايام فاكراها بكل تفاصيلها انا و اخواتي و خواتي كلنا متجمعين و فجأة تقطع الكهربا نتكوم كلنا في منطقة وحدة و مشان ما نخافش تيجي ام قلبي كبييييييييييييير و حنون حنية الدنيا كلها تلمنا حوليها و تحكي القصص من وين بتجيبها مش عارفه اي نعم كلها كانت رعب و عفاريت و ابو رجل مسلوخه و عين معوره و بلاوي زرقه بس كنا مدفيين بصوتها الحنون صوت أمي.
أيام ارجع من المدرسه و أنا في منتهى السعادة مشان صحباتي اختاروني عريفة الصف و الاقي بابا فرحته فيا اكثر من فرحتي بحالي و يقعد سيد الكل الله يرحمه و يجمعنا فيه بالجنه يا رب “اشتقتله كثير و الله” كان يقعد معايا و يحكيلي عن ايام دراسته و كيف كانت صعبه كلها تعب و المدارس ايامها كيف كانت.
و يحكي و يحكي و انا حاسه بالدفا…..منتهى الدفا
مع انه وقتها كانت غربان بطني بتزعق و همووووووووووت و اكل
بس الدفا وقتها كان طعمه احلى من اي اكلة
و هالقيت في عز الحر ما فيش دفا

مش عارفه شو بدي احكي كمان بس يمكن اللي انا حابه احكيه لو جنبك إنسان بتحس و انت جنبه بالدفا خليك معاه أكبر وقت لأنه بعده صعب تحس بهاي المشاعر ثاني و الله.

Be Sociable, Share!