• محرك بحث جوجل

  • مربعات القائمة الجانبية

      أضف ماتريد من مربعات القائمة الجانبية لتظهر هنا من خلال الذهاب الى قوالب - مربعات القائمة الجانبية اسحبهم الى القائمة الثانية
مدونة صحفية تهتم بكافة الجوانب وخاصة الاقتصادية
فضفضة
21 أكتوبر 2010, hasnaapress @ 11:00 ص

فضفضة مواطنية

“ماشي الحال..”

حسناء الرنتيسي

دايما لما نلتقي بصديق او حد بنعرفه بنسأله: كيفك؟ شو اخبارك؟، وهو بجاوب: ماشي الحال كاجابة تقليدية موروثة… مع انه 99% انه الحال مش ماشي، يعني التوتر صار عنوان حالنا..توتر بين اطراف النزاع الفلسطيني..توتر في علاقة نقابة الموظفين بالحكومة..توتر في علاقة اتحاد العاملين في الجامعات الفلسطينية ووزارة التربية.. شو ضايل توترات يا وكالات انباءنا..يا ريت لو فيكم تقسطو التوترات..

التوتر فعليا موجود موجود.. اما بسبب ارتفاع اسعار السولار لمعنويات الناس، او بسبب الحواجز اللي بتغتال ساعات وايام من عمرنا بدون ما نحس، او بسبب الاشارة الحمراء اللي بتطلعلنا بكل خطوة بنحاول نمشيها تجاه مصطلح كان يسمى الامل والطموح، وبسبب عدم تطور اللغة ضل اسمه هيك رغم انه عملة نادرة جدا في زمن عباس وهنية وسبع فصائل بقولوا انها فلسطينية..

كله ولا نكسة الشباب الفلسطيني، 12 سنة بمدارس اشبه بالاقفاص.. فيها بتشوف كل صور الاستبداد والتخلف وحكم القوي زي ما بحكوا.. وبنهاية العام بتبلش الحفلات والفرقعات وليالي شهرزاد وعلى ايش!!.. على نجاح بالتوجيهي بمعدل خمسين او 99، كله واحد في قاموس البطالة.. وكل ما فيها انه صار عنا فوج جديد بستنا عالدور.. يعني زي ما بحكوا “مستقبل على كف عفريت”..

فصائل دمنا الحزبية ف+ و ح+ وج- وج+ و- ت…كل يوم والتاني وهي مجتمعة، يوم بالسعوية..يوم بالقاهرة.. يوم بعطارد.. وهالمرة مو لاقيين مكان يجتمعوا فيه.. ما بدهم دمشق ولا غزة ولا القاهرة..يمكن بدهم بالمريخ..ما علينا.. المهم بنحكي لحالنا يمكن بتجمتمع عشان 85% منا بعيشوا على المساعدات ..شحادين بين قوسين…وبدها تستبدل جيش العاطلين عن العمل عنا لجيش من المبدعين والمخترعين.. ويمكن بفكروا بمشاكل الشباب اللي بتهاجر حتى تبحث عن وطن بمعنى وطن بالواقع “استقرار وامن”.. ويمكن بتجتمع حتى تفكر كيف تحمي الاجيال اللي برقبتها من فساد الفاسدين وطمع المحتكرين..لهيك بنرفع ايدينا للسما وبندعي بالصلاة يا رب توحد هالامة..على شو مش مهم..حتى لو كان على تقسيم الكيكة اللي بدون سكر ولا طحين ولا مي.. يمكن بفكروا شو لازم يكون لون الكريمة لهذي الكيكة.. اخضر “ح” ولا ابيض “ف”..والمكسرات خليها علينا..بنرجع وبنحكي

قد يجمع اللله الشتيتين بعدما… يظنان كل الظن ان لا تلاقيا

مش مهم على شو

المهم يجتمعوا

Be Sociable, Share!


2 التعليقات على “فضفضة”


  1. Cialis bestellen — يناير 27, 2012 @ 11:27 م

    Your website is not showing up correctly in my browser.

  2. hasnaapress — يناير 28, 2012 @ 7:49 م

    why?


أضف تعليق


*
To prove you're a person (not a spam script), type the security word shown in the picture.
Anti-Spam Image

Powered by WP Hashcash