• محرك بحث جوجل

  • مربعات القائمة الجانبية

      أضف ماتريد من مربعات القائمة الجانبية لتظهر هنا من خلال الذهاب الى قوالب - مربعات القائمة الجانبية اسحبهم الى القائمة الثانية
حتشي فلاحين للحفاظ على لهجة الفلاحين في عالم يحاول التمدن
التشذب ملح الرجال والعيب على اللي يسدك
25 ديسمبر 2010, frankoameer @ 3:19 ص
41 views

اللي صاير هناك عند حكومة المكاومة تشل الناس الوطنية بتفهمة , بس اللي الناس مش كادره تفهمة كصة هالظرايب هاذي اللي انفرظت على الناس ,هاذي ظرايب السيارات والموتسكلات والمحلات , محلات بيع الفلافل والمطاعم . طيب ما احنا عارفين انة اي حكومة بتفرظ ظرايب عشان تكدم خدمات للناس مقابل هالظرايب , يعني مثلا بتعمل شوارع وبتبني مدارس وبتنظم دوائر الحكومة وبتبني تشل اشي اسمة بنية تحتية . بس هذا الحتشي بكون لما بكون الوضع مستكر , والامور ماشية حلاوه , مش لما تكون البلد محاصره والناس عايفة حالها من كلة الشغل وزهقانة اواعيها اللي عليها وكرفانة من تشل اللي بصير , انا اللي بعرفة ان حكومة المكاومة لازم تكون مع الشعب ومع الناس وتحبب الناس فيها ,مش تخلي الناس تشرها وتصير الناس تدعي على هيذه حكومة وعلى اليوم اللي اجت فية الحكومة ,يا عمي بدها شوية ديره بال على الناس المسخمين لان الناس المسخمة هي اللي بتجيب النصر وهي اللي بتدعم المكاومة وبتخليها قوية , لان اذا المكاومة بدها تعتمد على الناس اللفيفة والحرامية وتنسى الناس المسخمين راح توتشل هوا وراح تسقط مع اول هزه ريح ونصير نكول يا ريت اللي جرى ما كان.
عشان هيذا ما بدهاش كلة حيل ولاكلة حيا , اتعلمو من البطل ابو هادي اللي جنبنا, تشيف كدر يبني مكاومة منظمة مش مكاومة فوظة وتشيف انة انتصر على اليهود ومرمغ مناخيرهم في الوحل ولعن اللي نفظهم واحد واحد , ليش بالتشم؟
لانة اعتمد على الناس المسخمين والناس حبتة لانة اهتم فيهم وفي حياتهم واهتم في الشهدا واولادهم , وفر الهم تشل اشي محتاجنية زي المستشفيات والمدارس ودور الحظانة لاولادهم وخلاهم الواحد يتمنى انة يبكى ابن شهيد . اما احنا ما شاء اللة علينا ماشيين في عكس السير , تشيف باللة الناس بدها تحب المكاومة اذا ما اهتمت المكاومة فيهم وفي مشاكلهم اللي بشوفها تشل يوم. سدكوني ان الناس لما تصير حياتها بتكلعط بتكرف تشل اللي حواليها وكتها بتصير تكرف المكاومة واللي كاومو لان البني ادم لما بطيح من بطن امة اول شي بدور علية الحليب مش بدورعلى المكاومة , فاذا ما وفرنا الحليب للبني ادم تشيف بدنا نكاوم ؟والا خلص احنا صرنا تشلنا كليلين حيل؟ فبلاش تشذب على الناس وخلي تشل اشي واضح وصريح للناس وديرو بالتشم عليهم.وخلينا انسدق انتشم مكاومة عن حك وحكيك.

Be Sociable, Share!


أضف تعليق


*
To prove you're a person (not a spam script), type the security word shown in the picture.
Anti-Spam Image

Powered by WP Hashcash