شبكـــــة أميـــــن الإعلاميـــــة
مدونـــــات أميـــــن  
نص انصيص
حتشي فلاحين للحفاظ على لهجة الفلاحين في عالم يحاول التمدن

« ما بتتحفحف العورة الا القاظي منعزل

بتمشي وبتفكح لورا، متباهية بدها اتجيب ابن الخرا

دُوّنت في Friday 21 August 2020 بتوقيت 5:52 am
1 views

في دولة كد خريه الذبانه على خارطه العالم، عمرها اصغر من عمر مصنع الكنادر في الخليل، مسميه حالها دولة الامارات المتحده. كال بكلك وكعت اتفاكية تطبيع علاكات مع دولة الغولة. من يوم ما وكعت الاتفاكيه انشغل العالم العربي في موظوعها وما ظل في العالم العربي اخبار وتحاليل سياسيه الا توكيع الامارات اتفاقيه سلام مع دولة الغوله ، وكأن اصلا كاين في حرب بينهم ، ومن ثاني يوم من توكيع الاتفاكيه طلع رئيس دولة الغوله وقال احنا والامارات في بينا علاكات من اكثر من خمسين سنه . يعني تشل الكصه ظحتش على ألحى العرب من اعلام وحكومات وشعوب. وعلي الجيرة تشل هالفلم والحتشي هو كنبلة دخان مشان تغطي على جريمتها الي سوتها في مينا بيروت ، وانها الغوله الها ست اسنين بتخطط وبتسوي في هالتفجير لتدمير مينا لبنان مشان تظرب عصفورين في حجر واحد ، الاول مشان تولع الحرب الاهليه بين الشعب اللبناني ، والثاني مشان تحول تشل التجاره العالميه الي جايه على مرفأ بيروت على مرفأ حيفا. الامارات نافخه حالها وبتفتشر انها سوت غنيمه في هالعمله، مع انه تشل الناس صارت عارفه وبتعرف ان تشل ملوك وامرا الخليج فشي فيهم واحد بمون على رباط كندرتة وانهم تشلهم بسووش ملى ذنيهم ابزاكة عند الغوله وامها امريكا ، وانهم تشلهم موظفين بشتغلوا عند الغولة وامها. وكال شو طلع واحد مخمج مسوي حاله امير بكول (احنا عملنا الاتفاكيه عشان الغوله توافك انها امها تبيعنا طيارات اف ٣٥ ، طلعله رئيس مخابرات الغولة ورئيس ورزائها النتن ، كال: لا هذا الحتشي مش صحيح واحنا سوينا سلام مكابل سلام ، يعني اخزوا وهي اول خازوك. يعني هالموكف المخزي من دولة الامارات ذتشرني بالمثل الفلاحي الي بكول عن وحده حبله ونافخه في حالها وجوزها مكلعط عره الزلام. بتمشي وبتفكح لورا بدها اتجيب ابن الخرا ، حاشا السامعين

Be Sociable, Share!
  • Tweet

هذه التدوينة مصنفة في التصنيف Uncategorized تستطيع متابعة الردود بواسطة تلقيم الردود RSS 2.0 ونرحب بردك أو تعقيبك من مدونتك الخاصة.



اكتب تعليقك

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash



مدونات أمين لا تتحمل أيه مسؤوليه عن المواد التي يتم عرضها و/أو نشرها في مدوناتها.
ويتحمل المستخدمون كامل المسؤوليه عن تدويناتهم التي تخالف القوانين أو تنتهك حقوق الملكية أو حقوق الاّخرين
مدونـــــات أميـــــن - AMIN BLOGS
ملقم التدوينات (RSS) و ملقم الردود (RSS).