يا شايف الزول يا خايب الرجا25 ديسمبر 2010, frankoameer @ 3:10 ص 95 views
طبعا كرار الحكومة النرويجية , كرار اشي اشي في رفع مستوى التمثيل الدبلوماسي الفلسطيني لمستوى سفاره , بصراحة هالموكف رفع راسنا تشير , وخلانا انحس في الامل ,وكدام هالموكف النرويجي ما عنا خيار الا نشلح الطاكية ونحييهم على هالموكف الحلو ,واحنا بنتمنى من تشل دول العالم تسوي زي النرويج وترفع مستوى التمثيل الدبلوماسي لمستوى سفاره , لان هذا الحتشي راح يساعد ويدعم كيام دولتنا العتيده , الدولة الفلسطينية اللي النا من زمان بنحلم فيها , وانا متاكد اذا التشل بظل يلعب في هالدولة راح تكوم في الاخر , مهما طال الزمن . بس الاهم من هذا تشلة احنا بدنا سفاراتنا تكون على مستوى المسؤولية , وتصير سفاره عن حك وحكيك مش سفاره بالاسم , لان اي سفاره لاي دولة في العالم في عليها واجبات والها مهمات مهمة , مش بس الاتصال في الدولة اللي بتبكى فيها وعمل حفلات رز بحليب وهيطلية وبزر واقظامة, السفاره اول اشي من مهمتها لازم تعتني برعايا الدولة اللي بتمثلها , ولازم تعرف وتعد الناس الموجودين في البلد اللي هي فيها , يعني مثلا السفاره الفلسطينية في النرويج لازم تبكى على اتصال دائم مع الجالية الفلسطينية في النرويج وتعمل احصاء لعدد الفلسطينين في النرويج , والسفاره اللي في السودان تعرف كديش في فلسطينية في السودان مثلا , هذا الحتشي مهم جدا يا عمي , لانة هالكيت لو اجينا على اي سفاره فلسطينية في العالم ونسألهم اتشم فلسطيني في هاذي الدولة بالتشم بعرفو ؟ علي الجيره ما بعرفو لانهم لو بعرفو تشان اكدرنا نحصر عدد الفلسطينين في العالم تشلة , وعشان نكدر نخزك عين الامم المتحده في عدد الفلسطينين الحكيكي , بس اللي حاصل لليوم للاسف انهم جماعتنا مش مدورين على هيذا شغلات , وتشل همهم يخشو في السلك الدبلوماسي , مش عارفين انة اللي بده يخش في السلك بده يعمل في اصول السلك , لان الخشة في السلك الها التزامات مهمة , واولها انة اللي بخش في السلك لازم يكون على الاكل بحمل شهاده جامعية عالية , ولازم يعرف يحتشي لغة الدولة اللي عايش فيها , ولازم يعرف كل اصغيره واتشبيره من امور الجالية اللي بمثلها , ولازم يكون كادر يتحمل مسؤولية شعب معلك في ركبتة, مش بس يروح هناك ويكعد على المكتب يصير يستعمل المكتب للتجاره العامة , ويفتح شركة تجاره يكون مقرها السفاره , بدها شوية شغل يا جماعة وشده حيل وانا متاكد انا رايحين نوصل لاهدافنا ونكيم الدولة شاء من شاء وابى من ابى .
أضف تعليق
