• محرك بحث جوجل

  • مربعات القائمة الجانبية

      أضف ماتريد من مربعات القائمة الجانبية لتظهر هنا من خلال الذهاب الى قوالب - مربعات القائمة الجانبية اسحبهم الى القائمة الثانية
حتشي فلاحين للحفاظ على لهجة الفلاحين في عالم يحاول التمدن
من كلة الخيل شدينا على الحمير اسروج
25 ديسمبر 2010, frankoameer @ 3:18 ص
46 views

اخر فنعة للنصب على هالشعب المسخم ,فنعة كروت فيزا كرت هاذي اللي بدها تصدرها شركة جوال بالتعاون مع البنك العربي , يا حبيبي على هالفنعة اللي راح تغرك الناس في ديون اجديده واتشبر الخازوك اللي كاعدين علية الناس وخصوصي الموظفين , كال عشان شو ؟ عشان الموظفين يعملو شوبنغ ويستعملو الفيزا كرت وتصير جوال والا البنك كل ما صاحب الكرت استعملة يوخذ نكاط ويعطوه هدية بلوشي , او يجمع نكاط ويستعملها لما بده يشتري اشي جديد. طبعا اللي بشوف هالخبر على التلفزيون وبشوف احتفال تشيف الجماعة اتفكو بكول يا ليلة اللة , رايحين نتبحبح , وطبعا الناس مش عارفة في الخازوك الجاي , هذا الخازوك اللي راح يطير من راس كل واحد بحمل كرت لان هاذي المصاري يا عمي هي دين اجديد في اركاب العالم وهاذي المصاري مش لصاحب الكرت هاذي مصاري للبنك وعليها فايده وفي جميع الحالات هاي الفايده عالية و يعني اذا واحد اتداين مثلا الفين شيكل اكل اشي راح يكون الفايده ان ماتت عشره في المية ,يعني بده يدفع عليهم ميتين شيكل كل شهر هاي بس فايده , وعلى هالمعدل يعني الواحد بده اكل اشي عشر اسنين في اطكع الظروف انة يدفع الالفين شيكل واضرب يا حبيبي 200 شيكل في مية وعشرين شهر بطلع دافع بدل الالفين شيكل اربعة وعشرين الف شيكل على الفين شيكل اتداينهن من البنك وطبعا هذي الارباح لمين بتروح بتروح للحبايب في شركة جوال وفي البنك العربي والمسخم الموظف هو اللي بدفع وبكلك هاي خدمة للشعب عشان ايرخرخ والحالة الاكتصادية تتبحبح , يعني عينك عينك السركة وبطريكة شرعية ورضى المسروك , وشو كال, السارك محمل المسروك مليون اجميلة انة اعطاه كرت يجعط فية ويشخص كدام الناس .
كل هالاشي هذا ما بعبر الا عن كلة حيل في الحكومة وفي المجتمع , بدل ما يفتحو مصانع ومشاريع يشغلو الناس المسخمة , ويزيدو دخل الاكتصاد من هاذي المشاريع كاعدين بدورا على طرك يمصو دم الشعب ويغركوه في ديون لا الها اول ولا اخر , مش عارفين انها اذا كبعت مع المسخمين رايحين ينفجروا ويحركو الاخضر واليابس ويلعنو نفظهم للي بسركوهم , وكتها بصيرو المسخمين هم المجرمين وحركين الوالدين , ليش بس لانهم كالو للحرامي انة حرامي وتشذاب واخو شليتة.

Be Sociable, Share!


أضف تعليق


*
To prove you're a person (not a spam script), type the security word shown in the picture.
Anti-Spam Image

Powered by WP Hashcash