• محرك بحث جوجل

  • مربعات القائمة الجانبية

      أضف ماتريد من مربعات القائمة الجانبية لتظهر هنا من خلال الذهاب الى قوالب - مربعات القائمة الجانبية اسحبهم الى القائمة الثانية
حتشي فلاحين للحفاظ على لهجة الفلاحين في عالم يحاول التمدن
عدي ارجالتش عدي من الاكرع للمصدي
25 ديسمبر 2010, frankoameer @ 3:12 ص
20 views

جنوب افريكيا هاليومين هذول بتسطظيف مؤتمر الشباب العالمي , هذا المؤتمر الشبابي المفروظ انة يعالج كظايا الشباب في العالم , وتشل دولة بتودي مندوبين شباب عنها يروحو هناك عشان يناكشو كظايا الشباب ومشاكلهم في العالم واساليب تطوير المجتمعات الشبابية , والطبيعي انة يكون ممثلين الشباب همة من فئة الشباب لانة ما حدا بحتش جلدك مثل ظفرك , طبعا جماعتنا ودو مندوبين للمؤتمر عشان يشاركو في المؤتمر, بس جماعتنا غلطو غلطة شنيعة , انهم ما فهمو ولا استوعبو اسم المؤتمر وحسبوه انة هاظا المؤتمر لمعالجة اساليب التهريب في العالم , وتشيف لازم نتصرف لما بدنا انهرب تلفونات والا ادوات كهربا , وغيرها من هالشغلات , وعشان هذا المؤتمر مش كليل لازم نودي علية جماعة خبرا ومحنتشين في عمليات التهريب , ودينا قائد للمجموعة معاه خبرة ,ومزبط حالة , ودينا الحج كبير المهربين, تحت اسم ممثل للشباب الفلسطيني.بس يا ربي الله يعمي أكمار اجهزه الامن في جنوب افريكيا وما يطلع لة ملف هناك لانها راح تصير فظيحة بجلاجل , ورايحين نتبهدل وعلى مستوى عالمي .
انا طول عمري يعني بعرف ان عنصر الشباب من سن اربعطعش لسن خمسة وثلاثين سنة في الغالب, مش واحد بكح من فوق ومن تحت ومدخن وغيم اوفر , بالله شو موقفنا كدام العالم المشاركة في مؤتمر شبابي وتشل العالم مودينلة مندوبين شباب وشابات زي فلكات الكمر , لما يشوفو مندوبينا اللي كرعان واللي اتشل عليهم الدهر وشرب ؟ شو بدنا نكلهم اذا سألو وين شباب فلسطين؟ انكلهم هذول هم نخبة شبابنا وما فشي عنا لا رئسا لمجالس الطلبة ولا عنا قاده شباب والشب عنا من سن الخمسين وفوك واحنا شعب متميز , وشو نكلهم عن الشابات والبنات نكلهم نسوانا بطلعنش بره وعلى دول ثانية لانة نسوانا بس للدار وعيب المره تطلع تشارتش في هيذا حتشي بطعمش خبز.وهذا اللي عنا عجبتشم عجبتشم واذا ما عجبتشم للي كالها الخليلي .؟

Be Sociable, Share!


أضف تعليق


*
To prove you're a person (not a spam script), type the security word shown in the picture.
Anti-Spam Image

Powered by WP Hashcash