بيتها ما بتكشة راحت الجامع اتكشة
31 viewsكبل اتشم يوم والا الجرايد بتنشر خبر , الصحيح اعجبني ورفع راسي لفوك , الخبر بكول انة الرئيس طول الله عمره وهو بهني في ظباط ومسؤولي الدفاع المدني وبوزع عليهم دروع ورتب لشطارتهم ورفع روسنا لفوك لما راحو طفو الحرايك عند اليهود وتشيف انهم بكو زي الجدعان يكاومو النار اللي ولعت وتشيف انهم كدمو واجبهم الانساني لاولاد عمنا وتشيف انهم كدروا يتغلبو على النار ويكظو عليها من اجذورها واللة عوافي للشباب , يا عمي جدعان , بس الرئيس شو كال؟ كال انا احنا مستعدين منيح لتكديم العمل الانساني في تشل العالم واحنا كدها واكدود , عنا شباب ماشاء اللة بتوتشل النار ولا بهمها لا نار ولا اشي بكدر يوكف كدام مهارات الجدعان . حيو حيو الرئيس يا عمي هذا املي ايده , ليش لاء . مع انهم اخوات الشليتة اليهود في نفس الوكت اللي جدعانا بكو يطفو في الحريك , هم بكو يولعو النار في مناطك في الضفة , والجرافات تبعتهم كاعده بتهد في دور اهلنا في سلوان والعيسوية , وجنود حرس الحدود كاعدين بظربو في كنابل غاز وارصاص مطاطي على اهلنا هناك , واللة هذي كلة حيا ما بعدها كلة حيا , احنا بنطفي النار عندتشم وانتو بتظربو فينا , اخص على هيك ناس , بس ياللة احنا احسن منتشم ومش راح نطلع على استفزازتشم وراح انظل انكدم واجبنا الانساني لانة احنا مش زيشتم بنفتشر . ورايحين تشوفو انو احنا ما راح انكصر في واجبنا الانساني , لانة مبارح حريك عندتشم, واليوم هيها الدنيا شتت واخيرا ربنا افرجها وطاح المطر وصارت السيول والعواصف , حتى انها وصلت لبيوت شعبنا المسخم في لبنان , ورايحين تشوفو تشيف جدعان الدفاع المدني ما راح يكصروا في واجبهم الانساني والوطني , لخدمة شعبنا في مخيمات لبنان وتشيف ان هذا العكيد اللي الرئيس رفعة لرتبة لواء رايح شخصيا ينزل لبنان وينكذ ابناء شعبنا في المخيمات هو وشباب الدفاع المدني , ورايحين تشوفو تشيف رايحين يوخذوا معهم خيام ومعدات لنجده شعبنا هناك وتشوفو بطولاتهم مش بس في الكظاء على النار اللي ولعت عندتشم بس , برظو رايحين يكظو على المي اللي فاظت على شعبنا في المخيمات وفي اي مكان في العالم . والله انشللة مفكرينا كليلين حيل زيتشم ؟.
