اهلا طلو
38 viewsراح عشره والجاي بدنا نزيد علية واحد ونخش في الحداعش ويا خوفي من هالواحد اللي جاي هو اللي يخش فينا لان الصراحة في العشره ما شوفنا يوم ايريح البال ولا ايغير الحال , وتشل حلمنا انا في الحداعش يتغير الحال , جماعتنا اللي اتكاتلو تشامتهم متكاتلين , وتشل ما كلنا يا كولة الله هيهم بدهم يصطلحو تشون ما تشوف الا واحد طلعلك زي فص التحيات اللي بطلع بدون ميعاد , بخرب تشل اللي اتفكو علية , وتشون بلشنا من اول واجديد ,والغولة تشماها بتكول يا اسناني امظين امظين على حسن واخوه احسين ,في غزه نازلة كصف وظرب وكتل , وفي الظفة نازلة توتشل الارض زي الجراد , في الكدس بتهدم في الدور عينيك عينك وبتطرد اهلنا من دورهم , وبتمنع حدا يبني في الظفة بحجة وبدون حجة , والي بحصل على رخصة يبنيلة غرفتين يستر اهلة واعيالة بكون ابو زيد خالة , واخو اختة يسترجي يبني بدون رخصة , بتصبح الغولة والادها فوك راسة تهدم الدار وعينك ما تشوف الا الغبار , الموظفين اللهم لا حسد بتسالهم بتلاكيهم غركنين في الديون للبنوك لان تشل المعاش راح اجار للدار ودفعات سيارة وتلفون ومي وكهربا , ودفعات للكنبايات الجداد اللي اشتراهن , واذا كان تيس وتشفل واحد ثاني من اصحابة وصاحبة ما كدرش يدفع الاكساط وطكعلة , بتلاكية خسر صاحبة وخسر ربع والا نص معاشة , بتلاقية اتخوزك لان البنك بسحب من معاشة وغصب عنة , المزراع اللي بزرعلة اشوية ارض بتلاكية متخوزك من الحصار في غزه ومنع التصدير , واذا في الضفة بتلاقية متخوزك من الطكس , تشان في الصيف والا في الشتى , في الصيف فشي مطر ومي , وفي الشتى اجت عاصفة وطيرت بيوت البلاستك وخربت الزريعات, التاجر بتلاقية ريكة بنشف تيطلع تصريح نكل بظايع من منطكة لمنطكة , واللي في غزه واستورد اشوية بظاعة بتلاكيهن خمجن في مستودعات الفحص الامني عند الغولة , الطالب اللي بده يطلع بره يكرا متخوزك بين نار منع السفر او السفر وعدم رجعة اذا طلع , بعد اطلوع الروح, ما ظلش علينا غير المسخمات اللي كاعدات في الدار اذا الها ولد طول انهارها كلكانة علية , والا كلكانة على جوزها يروح وما يرجع , والا يلاكي شغل والا يشتغل شوفير تخت , وفوك تشل هاذا وهاذا بيجي الرئيس في احتفالات عيد ميلاد سيدنا المسيح بكلك احنا شعب بدنا سلام وبنحب السلام!( السلام عليكم ورحمة الله وبركاتة).ولازم الغولة تفهم ان السلام اهم من الاستيطان واتشل الارض , طيب يا عمي احنا بنحب السلام وبدنا السلام يا سلام , بس اللي بده بقول بده سلام بكون اول اشي مسوي حرب عشان يسوي سلام, طيب ما احنا النا عشرين سنة بنسوي في سلام ومش مسويين حرب , والغولة مطكعة وبتكتل فينا , يوم واحد ما وكفت كتل فينا , والا احنا عاكرين لا بنحبل ولا بنخلف سلام ؟والغولة هاذي تشيف بدها تسوي معنا سلام اذا ما في حدا جاي فيها ولا مخوفها , ولا حتى مهوش عليها وليل نهار بتكاتل فينا وفي اللي عملو معها سلام من الدول الشكيكة من سنة الف وتسمعية وخشبة , وهذول اليومين شايفين شو بتسوي الغولة في مصر وتشيف بتجسس على مصر والدول العربية تشلها , تشيف بدنا نسوي سلام معها وهي ليل نهار بتكول يا اسناني امظين امظين على حسن واخوه احسين .والله اهلا طلو .
