الحيط الواطي تشل الناس بتنط علية
77 viewsهالايام الوضع السياسي الفلسطيني صاير مخربش عند الكياده السياسية وملتخمة , زي الجاجة المظروبة على راسها ومش داريين شو ايسو , تشل يوم بطلعو في راي, والامور مش على بعظها وتشل واحد بصرح تصريح زي ما بده , واحد بكلك بدنا نعمل مكاومة شعبية ؤ واحد بكلك اللي بطخ هذا بكون ضد المصلحة الوطنية , وضد المشروع الوطني .
وتشل هالحتشي اللي في الجهة الثانية مش حاسبين حساب لحدا ومطكعين النا ومش سائلين لا فينا ولا في كيادتنا , طبعا ليش؟ من رخاوتنا , كالو لفرعون شو اللي فرعنك ؟ كال من كلة حدا يردني , طبعا من حكة فرعون يتفرعن والا تشيف ؟ ما هو مش ملاكي حدا يرده ,النا عشرين سنة كاعدين بنجري مباحاثات معهم مشان كال يعطونا حكوكنا , احكوكنا اللي همة اتشلوها واخذوها عينك عينك, اكبلنا في الاحتلال والاحتلال ما كبلش فينا , اعطيناهم ثمنية وسبعين من فلسطين , اعطيناهم الساحل والبحر وبيارات البرتكان وتشل اشي حلو من فلسطين , واحنا اكبلنا في الطيون واجبال الزعتر والميرمية , لحكونا يقاسمونا في الطيون والميرمية وبدهم يوخذو اجبالنا وتشل يوم يبنو مسطوطنة , طيب شو اللي بدهم اياه كرد اللي يظربهم , والله اللي صحلهم ما صح لحدا غيرهم . اي وصلت معنا اللي بظرب عليهم حجر والا ايطخ عليهم والا حتى ايفتشر مجرد تفتشير يكاومهم والا يسوي الهم اشي, نمستشة ونقطم رقبتة , ونزتة في السجن ونتهمة في خيانة المشروع الوطني ونلعن اللي نفظة . بس هذا الحتشي ما اظنيش يطول اتشير لانة زي ما كالت ام كلثوم الله يرحمها انما للصبر احدود يا حبيبي , لانة هذا الوضع مش مكبول لا من الشعب ولا من الكيادة واخرتها راح اتكبع مع الرئيس والكيادة , واذا كبعت مع الرئيس راح الوضع ينفجر , ومش راح حدى يكدر يوكف الموظوع, انا اللي بكول فية انة الكياده في كدامها خيارات ومش لازم اليهود يستخفو في الخيارات, لانها اخيارت الكياده اذا استعملتها راح تسوي مفاجأه لتشل اللي بكامروا في الشرك الاوسط , لانا احنا شعب اذا انفجر كل الدنيا ما بتلحك علينا عشان توكفنا , واتذتشروا تشيف الانتفاظة الاولى ولعت , وتشيف الانتفاظة الثانية , لانة لما الخيار السياسي بنتهي وبصير الطريك مسدود , بصير ما في كدامنا غير اخيار انا انكاوم واحنا شعب عنا مخزون استراتيجي من المكاومة , يعني امبتشره اذا فكعت مع الشعب وتشلة هب في الشوارع وسد الطرق كدام المسطوطنات , وعبو الطرك احجار وصارت وين ما تخش دورية الناس تهجم عليها وابوك يا الموت , انو اخو اختة بده يكدر يوقف كدام شعب بدور على الموت؟ واذا كبعت مع الرئيس وسلخ ابو العبد المكال في غزه ومزعة بوسة على التلفون وكلة , حبيبي يا ابو العبد عليهم في الصواريخ المطوره اللي عنتشم , واليوم احنا الحمد لله صواريخنا صارت مش عابره للبيارات صارت تكدر تصيل نص تل ابيب شو راح يكون موكف اميركا واسرائيل ؟ انا متاكد انة راح يصير زي ما عملت كوريا الفوكة اليوم لما كالت لكوريا التحتة بعد ما كالو بدهم يسووا مناورات في الذخيره الحية , كالولهم اذا انتا ازلام سووا مناورات حية واحنا رايحين نلعن اللي معطتشم ورايحين نحرك الاخظر واليابس , كامت كوريا التحتة اتراجعت عن الموظوع تشلة , هي وكفة العز والكرامة يا عمي , هيذا بدنا احنا لان هذول الامركان واليهود الصحيح كليلين حيا وما بنفع معهم لغة غير لغة من بوزها , وانا زي ما كلت , الحيط الواطي تشل الناس بتنط علية .
