• محرك بحث جوجل

  • مربعات القائمة الجانبية

      أضف ماتريد من مربعات القائمة الجانبية لتظهر هنا من خلال الذهاب الى قوالب - مربعات القائمة الجانبية اسحبهم الى القائمة الثانية
حتشي فلاحين للحفاظ على لهجة الفلاحين في عالم يحاول التمدن
اتحيرنا يا كرعة من وين انبوستش
25 ديسمبر 2010, frankoameer @ 3:23 ص
61 views

كبل سنة صارت تشل الجرايد والتلفزيونات تجيب في خبر عن حكومة غزه وتكول عنها حكومة مجرمة وحكومة كليلة حيا وما بهمها الناس لانها هذي الحكومة بتكوم في هد الدور اللي بنوها الناس على اراظي للحكومة . ومن المفروظ انها هاذي الحكومة تحمي الناس وتدير بالها عليهم لانها حكومة مكاومة ومش حكومة مساومة واي حكومة بتكون حكومة مكاومة لازم تحافظ على الناس وتحميهم وتحمي دورهم وما اتدور وراهم وين ما راحو وبنو , وقتها كلنا واللة مزبوط هذي كلة حيا من هالحكومة انها تعمل هيذا , وصدقنا اللي انتشر على اليوتيوب من صور الجرافات اللي هدت بركسات مش دور .
بس اليوم وانا بكرا في الجرايد الا انا بشوف خبر هز بدني وكهرني , اكيد بدتشم تعرفو الخبر ؟
الخبر بكول انة حكومة المكاومة اللي كلنا عنها انها كليلة حيا اليوم قاعده بتوزع اراظي حكومية على الناس مشان يبنو عليها بيوت ومؤسسات وباسعار مخففة على الناس ومشان يصير عندهم في غزه توسع في العمار والناس ترخرخ اشوي من الظيك الموجود عندهم , طيب مع هالخبر واللة يا كرعة اتحيرنا من وين نبسوتش ؟مبارح كولتو عن حكومة المكاومة انها كليلة حيا بتطرد الناس من اراضي استولو عليها واليوم بتكولو انها بتوزع الاراضي على الناس , طيب يعني هيك سؤال من كليل الحيل الاراضي الحكومية في اي بلد مش المفروظ تكون لكل الناس وللشعب الساتشن في هالبلد؟
لشو نطو جماعة حكومة المساومة في الطرف الثاني هناك انتو عارفين وين , وبلشو يكولو هذي خطوه غير شرعية وما بصير هالحتشي ان الحكومة توزع اراظي تابعة للحكومة على الناس ,بالتشم بجوز انهم خايفين انة الشعب يتعود على كلة الحيل ويبطلو يشتغلو ويحوشو مصاري عشان يشترو اراضي بعرق اجبينهم ومن تعبهم؟
والا بس بدهم ينكو عشان نك تنكلك ؟
ابصر شو قصدهم من هالنطنطة بس مهما لفو ودارو انابكلهم ان ارظ الشعب للشعب وان زمن اول حول والارض اللي بتتوزع على الشعب احسن من الارظ الي اندفع حكها مصاري الشعب وبعدين طلع لا في ارض ولا اسخام بس الزلمة اللي شراها لف المصريات وحطهن في حساب اخوه في عمان ويا دار ما دخلتش شر.

Be Sociable, Share!


أضف تعليق


*
To prove you're a person (not a spam script), type the security word shown in the picture.
Anti-Spam Image

Powered by WP Hashcash