الشاعر عماد ابراهيم النابي

فبراير 15, 2013

حكايتى مع الكراس

ضمن تصنيف: Uncategorized — الشاعر عماد النابي في 8:01 م    


دي حكاية

قلم رصاص وكراس وبراية

وشمعاية
ورعشة في ايدى
مش عارف لها نهاية
ونبضة في قلبي اسمع منها
صوت الصدق جواية
وقلمى بيتسحب على الكراس
وانا مش قادر اتحرك
وراسي مرمية منى على كفوفى
ولو حبيت احركها يزيد خوفى
وقلمى لسة بيتسحب
وشويه هوا فجاءة بتحرك الشباك
لقيتنى وقفت بتلفت هنا وهناك
وصورة ضلى ع الحيطان بتتلفت على كمان
وقلمى لسة بيتسحب على الكراس
حسيت سعتها ان الشمعه بتنورله عشان يوصل
وبرده لسة بيتسحب
رميت خوفي ورا ضهرى وقلتله

مش اتفقنا انك تخاصم الكراس
وقع منى وقام يجري على الكراس
كتب فيها
رسالة منى وصلها لكل الناس

بلاش الفرحة تنسيكم هموم الناس
بلاش اسمع مابينكم يوم مفيش احساس
بلاش خوفك يخلى قلمك يخاصم الكراس
ودى حكايتى مع الكراس

عماد النابى

رسالة من ام مصرية …. للسيد رئيس الجمهورية

ضمن تصنيف: Uncategorized — الشاعر عماد النابي في 7:38 م    

عزيزى الرئيس بعد التحية …..
ممكن اعرف دورك ايه ف المسرحية ؟
ياهل ترى لايق عليك دور البطل
ولاحتكمل تعيش دور الضحية
جواى سؤال محتاج جواب

انا اسفة لو كنت قاسية في العتاب
ليه ولدى لما اتفتح قدامه باب
لقى في طريقه الف باب
على فكرة انا معاى اربع ولاد
كان بينضرب بيهم المثل لو حد جاب سيرة الادب
علمتهم من صغرهم ازاى يكسروا حزمه حطب
بس دلوقت الوضع اتقلب
واتقسموا واتفتتوا بسبب ومن غير سبب

كلامى فيه قلة ادب
ممكن تساعدنى الم شملهم من تانى
لو مش حتقدر صارحنى وانا اغير مسكنى وعنوانى
طلب كمان      قالوا زمان
ان الاختلاف في الرائى لا يفسد للود قضية
لجل النبي اصدر قانون يخلى الخلاف

ميزيدش عن سبعين ضحية
علشان الاقى حد يتفرج معاى ع المسرحية
والسلام ختام
واللى بيحصل فى ولادى والله العظيم حرام

عماد النابي

أبريل 11, 2012

اماااااااااااه عماد النابي

ضمن تصنيف: Uncategorized — الشاعر عماد النابي في 1:58 م    

 

 

وتسائلت يامن تربى فى محيياى صباه

وراح يكتب بعدما ملت

من الاجلال بي شفتاه

لماذا غاب البدر من غسق الدجى

عجباً لبدر لا يطيق سماه

فأنا الاميرة عصرها وزمانها

والتاج ان ثقلت على رأسى فيا ويلاه

عجبا لمولودى الذى انجبته

يبتاعنى علناً فيا اسفاه

والسعر بخث والخطوب جليلة

ياحرقتى على الذى القاه

كالعقرب المولود يأكل امه

ويعش طول العمر لم يقل اماااه

                                                           عماد النابى

فبراير 21, 2012

هذا انا

ضمن تصنيف: Uncategorized — الشاعر عماد النابي في 9:00 ص    

               الشعر اصبح مهجتى وغرامى

           هيـــــا اتركونى كي انال مرامــى

فبراير 19, 2012

كلام البحر ( عماد النابي )

ضمن تصنيف: Uncategorized — الشاعر عماد النابي في 8:13 ص    

  

الشمس لما تغيب

وتقول يابحر سلامى

تسرق هموم وتجيب

بكره هموم تانى

انده واقول يابحر

انده بصوت عالى

شايف يابحر الناس

ماشيه ولاتبالي

ناس تقتل فى ناس

والكل عزالى

متحججين بالتار

والدم يمسح عارى

ده اسمه كلام يابحر

ولا القانون هوارى

خدهم يابحر فيك

شاركنى احزانى

******

شايف يابحر الناس

اصحاب بلا اخلاص

وقت الضحك ننباس

ساعه الحداد وحدانى

دول اسمهم اصحاب

نقدر نقول احباب

بس الزمان كداب

لعب معاهم تانى

خدهم يابحر فيك

شاركنى احزانى

*******

ولا الاحبه كمان

دلوقت صوتهم بان

عاملى رميوو زمان

والقصد حاجه تبان

الحاكم ساعتها شطان

يرجع يقول ندمان

صوت الندم فانى

خدهم يابحر فيك

شاركنى احزانى

*******

ادى حكايه البحر

وادى كلام البحر

وجاى بكرة يابحر

لا مش جاى تانى

اخر كلامى يابحر

خدنى فيك

شاركنى احزانى

يناير 25, 2012

دموع واحزان ( عماد النابي )

ضمن تصنيف: Uncategorized — الشاعر عماد النابي في 4:47 م    

 

  

  

كلمات شـــــــــــعرى ســاكنات بكائيا     
   قد مات حقاً بالحياة شبابيا   

انا قد طويت عبائتي بصبابتى    
    وشربت كأساً صافياً بدمائيا

ونثرت شعري فى العــــــــــراء وقصتى        
 ولطالما اسكنت فى بيت القصيد عنائيا

  

زمنى الجريح لقد تلهــث من        
جوى  آلمى وجاء ليستبيح بكائيا

  

ما من متيم فى الهوى الا له     
  من بعض بعض الدمع شئياً باقيا

  

فالكل راحـــــــــــوا مهللـــــين وخلفهم         
          بيتاً من النزوات اضحى خاويا

  

لا حـــــــب بعد اليـــــــــــــــــوم لا             
  جرح يدانى من دنا اعتابيا

  

فلقد يائست من البكاء ببابكم       
     ونذرت انى لن اكون ملبيا

  

ماذا سأكتب والشعور محاصر
 والسطر عانى من جوى اقلاميا

  

خفقان قلبي لم يعد متأرجح 
 فقد استقر وغلقت ابوابيا

  

يامن يعانى من الهوى لا تعتتنى
 أقراء بحرص ما روت ابياتيا

  

   

يناير 24, 2012

خايف اكتب شعر تانى ( عماد النابى )

ضمن تصنيف: Uncategorized — الشاعر عماد النابي في 5:55 م    

   

 

                       خايف اكتب شعر تانى                      

شعرى فيكي كان انانى

والدموع فيه متوهانــى

شعر ماسخ شعر بـارد

شعر مالهوش فى المعانى

كل كلمة كتبتهالــــــك

كل ورقــــــــة بعتهالك

كل حرف كتبته فيكي

بيه بعانـــــــــــــــــــى

كل ده ميبقاش انانى

طب لما الفرحة تخش قلبي

حقولك ايه حكتبلك ايه

حكتبلك فرحان والحزن ملانى

ما انا لو كتبتلك بفرحة

يمكن انت متعرفيش متصدقيش

ماهو شعرى على الفرحة

يا حزنانة معودكيش

اهو بكرة مثلا عيد ميلادك

والمفروض اكتبلك بفرحة

اكتبلك تهانــــى

ما انا عارف لما تقريها حترميها

وتزعلى وتكشرى

وتقولى اللى كتبها حد تانى

حلى عنى واتركيني

نفسي انسى الحزن مرة

نفسي ارتاح ليلة برة

نفسي انسى الاهه مرة

ولو ثوانى

نفسي اكتبك شعر يتلحن ويتغنى

ويتردد بفرحة وسط ناس

مضاقتش طعم الاهه

 وعذابى وايا حرمانى

دا انا لما كنت اسمع اغانى

كنت ببكى لما بسمع

ان طول بعدك كوانى

وكأنى مكنتش اعرف حد غيرك

والعجيبة …. انى بعرف حد غيرك

حد هنانى وعلانى

وصب كاس الفرحة صب

بايده وسقانى

حد حس انى فى كابوس اسمه الغرام

رمى شعوره على خدودى

بحنية وصحانى

ودع احزانك ياشعرى             وتمايل طربا وتغنى

نقي ابياتك من المك              فزمان الاهة قد ولى

                                                                                              عماد ابراهيم النابى

تهنئــة

ضمن تصنيف: Uncategorized — الشاعر عماد النابي في 5:06 م    

تهنئه خالصة من القلب الى

 اخى وصديق عمرى

 شاذلى الكاشف

بمناسبة الخطوبه السعيدة

من قلب ميدان التحرير ( عماد النابي)

ضمن تصنيف: Uncategorized — الشاعر عماد النابي في 3:28 م    

    

  

    

سأكتب شعراً منبعــثــاً     

من قلب ميدان التحرير    

يلقن للعالــــم درســــــاً     

فى كيف يكون التغيير؟  

سأشبه بلدى بإمراءةًً  

عذراً إن ساء التعبير    

حبلى فى حملٍ متأخر    

من جهدٍ ملقاةُ بسرير    

ونظام بـــــأد ايقـنـــها     

بوضعٍ حتمى وخطيـــر  

لكن لا تقلقى يا أمراءةٍ     

لا تلقى بالاً للتفكيــــر     

اولادك ساروا بأعيننا     

نلبسهم سندس وحرير    

ووظائف بأماكن شتى     

تفتح أفــــــاق التعمير    

هذا للكل وإن رفضوا    

لا نجعل بينـــهما فقير    

خيراتك شتى و إن فاضت    

ستفتح ابـــــواب التصدير    

عجباً مغتـــــصبُُُ يتحدث    

لا يلبس وجـــــــه الشرير     

قالتها سراً لـــــــــم تقدر    

  تنطقها فالامر عسير  

وضعت أولادها وانشغلت     

 فى ماضٍ آتٍ ويسيــــــر   

   فانطلقت أولادها بحثا     

عن ماءٍ أوخبز شعيــــر    

لم يجدوا خبزاً لم يجدوا     

غير كتابات التشهير   

لم يجدوا غير مقالات     

يرسمها رئيس التحرير    

لم يجدوا شيئاً فاتحدوا    

من هذا بــداء التغيــــر    

أجتمعوا على قلب واحد    

هو قلب ميدان التحرير    

قالوها وبصوت واحد  

  الشعب يريد التغيير   

 قالوها عليا لم يخشوا  

  جملٍ وبغالٍ وحمير    

لم يخشوا رصاصاً يرصدهم     

 إن ماتوا فالكفن حــرير  

   وأرائك فى جنـــة خلد    

   تنتظر شهيد التحرير

فالترفعى رأسك يا اماه  

 وتفتخري فالخير كثير    

  ولتنسي ماضً قد ولى   

   فلاتى جنان وعبير    

  وهنيئاً يا أمى الحرة      

 فوليدك البسك حرير     

                                 عماد ابراهيم النابي    

    

 

ضمن تصنيف: Uncategorized — الشاعر عماد النابي في 2:09 م    

نعيب زماننا والعيب فينا  **** ولو نطق الزمان لنا هجانا

 

ونهجو ذا الزمان بغير ذنب **** وما لزماننا عيب سوانا

وليس الذئب يأكل لحم ذئب **** ويأكل بعضنا بعضاً عيانا

الصفحة التالية »