Home > ومضات > ومضات السبت 30/1/2010

ومضات السبت 30/1/2010

يناير 30th, 2010

اصمتوا الى الابد

ونحن على ابواب اول انتخابات لنقابة الصحافيين منذ سنوات عمرها من عمر ابنتي البكر، لا بد لنا نحن الصحافيين المهنيين ان نقول كلمتنا حول ما يجري من تقاسم فصائلي ومحاصصة اودت بنا الى الهاوية سابقاً وحتما ستودي بنا الى هاوية اخرى. وان نقول كفى اذلالا ومهانة لنا نحن الذين اكتشفنا اننا لسنا صحافيين واكتشفنا ان لنا زملاء في الحسبة ومن سائقي الفوردات ومن رجال الامن وحراس العمارات، والله اعلم من ايضاً. علينا ان نقول كلمتنا الان، والا فلنصمت الى الابد.

 

كشف حساب

بعد مرور اربع سنوات على انتخاب التشريعي، ومن انتهاء ولايته، لا بد ان يقدم المشرعون كشف حساب تفصيلي لمن صوت لهم واعطاهم الثقة. كشف حساب مالي اولاً، وكشف حساب بعدد الجلسات والقوانين التي صدرت، كشف حساب بما وصلت اليه احوالنا، وكشفوفات حساب يطول تفصيلها. وعلى الشعب ان يقول كلمته، وعلى من يحترم نفسه من اعضاء التشريعي ان يقدم استقالته، ولكن ليس قبل ان يقدم كشوفات الحساب.

مضاربة

بعد المديح الذي اكرهه، كتبت لي القارئة زينة الواوي تقول “انا بدي اضارب عليك وانافسك بالومضات منشان نعمل تنزيلات على الومضات”، وبعد ان قرأت محتوى “التنزيلات” لم استطع الا ان استسلم للمضاربة وها انا انشر لها في الومضات التالية ما كتبت:

تنزيلات كبرى

نحنا بنسمع دايما عن تنزيلات الملابس، الا في احدى الجامعات، هناك تنزيلات وخصومات على سعر السندويشة، واحلى شي لما تكون سعرالسندويشة 13 شيقل مع علبة الكولا فجأة بتصير السندويشة مع الكولا فقط بخمسة شيقل. طيب يا جماعة ما دامهم بيقدرو يبيعو السندويشة بهالسعر، ليش ما يبعيعوها هيك من الاول. والاحلى كمان انو في احدى قرى رام الله في خصومات على سعر التوصيلة، اركب انت وكمان واحد من العيلة على كرسيين وركب باقي العيلة بممر الباص اللي بياخد 13 راكب وادفع فقط سبعة شيقل. اما بالنسبة لسيارات الفورد فهناك عرض لاصحاب الاعمال مثلا اذا كنت انت صاحب مزرعة دجاج الك خصم كتير محرز، اركب انت على مقعد وحمّل كل بضاعتك من علف للدجاج ورا بمكان الاربعة كراسي الي انشالو تحت ضغط كبير من السلطة، رغم عن انوف الشوفيرية، ولا يهمك شو بيقولو الركاب التانيين. هاي الحملة بعنوان “حمل علف دجاج وخد راحتك بس بتمانية شيقل” وكله علشان تركب بالفورد وما تركب بالباصات.

لو كنت مسؤولا

  اااااااااه لو كنت مسؤولا او ابن مسؤول لفعلت كما فعل اولاد المسؤولين في جامعتي، اي لذهبت اليها وانا اركب سيارة الجيب، وطبعا اصل متاخراً عن محاضرتي الاولى. فاقول لنفسي “مش حرزانة افوت عالمحاضرة لافوت عالكافتيريا اشربلي شي سخن  احسنلي”. وبعد ان تنتهي المحاضرة اذهب الى استاذي لاعتذر له عن تاخري و”بحكيلي معه  كم كلمة تسرلو خاطرو منشان يزبطنا بالاخر،  وما ننفضح مع الوالد”. وبعد ما انتهي من الاستاذ، ارجع لاجلس مع اصحابي، وبالتالي اتأخر عن المحاضرة التالية “لانو سرقنا الحكي انا واصحابي”. بس شو ولا يهمني، بعيني الله على طلوع الدرج كمان مرة بالنهاية في تزبيطة بالاخر برجع بطلع  عند الاستاذ التاني، وهلمجرا. يعني والله بتعب من طلوع ونزول الدرج، اكتر من مرة، والله بتعب شو بتفكرو انتو.  

الشاطر انا

مش كمان انا متلك فكرت حالي شاطرة، فلما سمعت انو في احد الجمعيات النسوية بدها  فتاة جامعية  تعمل معها، قلت لحالي انا شاطرة والشروط بتتوافق مع مؤهلاتي، رحت وقدمت طلب. قالو لي بنردلك خبر، وهاتي  يا زينة على ما تسمعي ردة خبرهم. مش اتاري في ناس اشطر مني، وعندهم خال معرف ومهم وانا ما عندي. فبروح الخالو تبع هديك البنت  على الناشطة بالجمعية لا ماخذ معو لا صور ولا شهادات ولا شي ثبوتي بيحكيلو كلمتين معها فبتوظفها وانا طز علي وعلى شهاداتي وصوري. اتاري في حدا  اشطر مني!

Be Sociable, Share!

ومضات

  1. samir
    يناير 30th, 2010 at 10:59 | #1

    اهلا كشف حساب. هلاء صرتوا بدكم كشف حساب من اعضاء اختطفوا من بيوتهم التي من المفروض ان تكون محمية من قبل سلطتكم الوطنية اهذه هي الصحافة المهنية. طيب هل قمت حضرتك بزيارتهم في السجون البعيدة عدة فراسخ عنك وسألتهم عن انجازاتهم وهم داخل السجن او سألت اعضاء المجلس السابق الذين انتخبوا لمدة اربع سنوات فأذا بهم على كراسيهم لعشر سنوات؟ قال كشف حساب قال…

  2. wbatrawi
    مارس 13th, 2010 at 03:30 | #2

    ومن قال لك ان القصد اعضاء التشريعي الذين يقبعون في السجون، القصد الاعضاء الذين لا يفعلون شيئا سوى ركوب السيارات والاجتماع للبحث في من يحصل على جوز سفر احمر ولا يفعلون اي شي. يعني قبل ان تتهجم وان يكون افقك ضيق عليك ان تقرأ ما بين السطور يا سيد سمير

  1. No trackbacks yet.

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash