خلينا نخلص !

بواسطة , 2012/08/15 8:08 ص

انخفاض مستمر بقيمة الشيقل امام الدولار والعملات الاجنبية .. استنفار بالصناعات العسكرية الاسرائيلية والغاء الايجازات .. تزاحم على مراكز توزيع الاقنعة الواقية من الغازات .. الوضع الاقتصادي مرتبك .. تهديدات بتدمير البنى التحتية المدمرة أصلاً بكل من غزة ولبنان .. حديث هذا الصباح عن مفاوضات بين امريكيا واسرائيل لالغاء الضربة ..كل هذا واكثر مؤشرات الى حرب قادمة وكلما سألت أحدهم عن رأيه يقول لك :
منيح خلينا نخلص !!
فمن شو  بالله بدك تخلص !!!
اسرائيل !! احلم يا كديش !!
إيران !! اذا اسرائيل نفسها ما بتحلم هيك حلم !
من حالك !! شكلك مش نايم امنيح امبارح!

وخلينا نخلص !!!

أسئلة غبية !

بواسطة , 2012/08/15 8:04 ص

نفس الاسئلة الغبية كل ما عبرت من المخسوم الفاصل بين الضفة واراضي ال ٤٨

מאיפו אתה מגיע !! منين جاي !!
מה עשיתה שם !! شو عملت هناك !!

وشو ما كانت اجابتك رح اترجعلك الهوية وتقلك :
נסיעה טובה : سفرية موفقة

امبارح اجا عبالي انكش راس ع المجندة فجاوبتها اني كنت ببلاطة ( طبعاً مخيم بلاطة ) ومع هيك ما علقت وسألتني شو عملت هناك فرديت كنت اتنزه !!!!! رجعت لي الهوية كالمعتاد وحكت لي سفرية موفقة . .!

صباحكم عتق من النار

بواسطة , 2012/08/15 7:09 ص

شمسها هذا الصباح كثير لطيفة كاجواء ليلتها .. نسأل الله ان تكون هي ليلة القدر وان يتقبل قيامنا ودعائنا

.. صباحكم رضا ومغفرة وعتق من النار .