الفيسبوك: يجمع بين “عشتار وكنعان” بعد ربع قرن من الفراق

389 مشاهده

علي دراغمة – شاءت الأقدار ان يجتمع عاشقين فلسطيني وأردنية من أصل فلسطيني فرقت بينهما ظروف الجغرافيا صدفة على صفحات الفيسبوك بعد غياب دام حوالي ربع قرن من الزمان.

كنعان وصف حبيبته بـ “وردة الروح والنصف الغالي من حياته وقال:” اسمها تردد على لساني مدة ربع قرن كانت طفلة صارت طفلة، منذ افترقنا لم أراها، وعندما شاهدتها على صفحة الفيسبوك، ارتعش جسدي وفقدت السيطرة على كلماتي، خاطبتها باسمها الجميل الذي طالما تردد في داخلي ولم ينتهي الحديث الأول بيننا الا بعد 9 ساعات متواصلة، كنا نتسابق من يسال الأخر أولا لن اتركها بعد اليوم، وقد اتفقنا على الاقتران في جنان من السماء”.

عشتار قالت:”هذا لقاء الروح بالروح، ولم أنسى ضحكته منذ افترقنا، لم اصدق ان هذا هو الفارس الذي حلمت به طوال حياتي،انه القدر حقق لي حلمي بالحديث معه”وتابعت”فارسي لم يحارب ما يكفي من اجلي، كان عليه ان يبذل جهدا اكبر، وان يقاتل الجغرافيا والظروف وان يأتي ويأخذني،لقد انتظرته سنوات قبل ان أقرر أن ابني أسرة صغيرة”ثم استدركت قائلة “لقد سامحته لم يكن يستطيع ان يفعل أكثر مما فعل، انه فارسي وقد عاد ليمتلك روحي ويضيف على حياتي سعادة لا تقدر بثمن”.

هذا جانب من الحديث الذي حصل بين ” كنعان وعشتار “في اليوم الثاني والثالث اما اليوم الاول كان غير وكثير خاص ..

•        عشتار ..حبيبي انا طول عمري وانا عايشه بشرنقة الخوف

•        انا بحكي معك ما راح ااذي اي حد وراح أظل ملتزمة حدودي

•        بس خليني احلم جنبك ما بطمع لأكثر من هيك

كنعان ..اسمعي

•        عذبيني قديش بتقدري انتقمي مني كيف بدك

•        بس ما تبعدي عني

•        خليني عايش فيكه

•        هذا مكاني

•        جواتك

عشتار .. انا عشت فترة مراهقة بتجنن

•        انا كل صاحباتي كان عندهم أصحاب او فتى أحلام

•        ألا محسوبتك

•        كان الي 100 ولي امر

•        ههههههههه

•عشتار..       تعرف ما ظل حدا بالعيله ما طلبني ألا أنت

•        ما كان عندي ثقة اذا استنيتك راح يكون في أجابه او الأصح بدك تحكي انه انا كنت أدور على حدا زيك بس أبدا ما تخيلت انك تكون الي

•كنعان ..       سلامة قلبك

عشتار …     ضليت أدور على حدا بشبهك  وما لقيت

•        وبعدين أخذتني العزة بنفسي وعشت لنفسي

•        لا أنت راح تكتشف اني صريحة لأبعد حد

•        انا مسئوله عن كل تصرفاتي

كنعان…سؤال صعب ؟

•        عشتار…       انا ما ببالغ لو سالت اي حدا في العيله كنت راح تعرف انه انا اغلب المشاكل اللي كانت في بيت اهلي سببها اني ما كنت راضية أتجوز

•        والوحيد اللي كان صاف لجنبي هو أبوي

•        وهاد الشي معروف لكل العيله

•        …انا ابدا ما تخيلت اني اكون بالنسبة الك شي

•        كنعان ….طيب ليش شو كاين انا

•        لهدرجة كبير وانا موش عارف

•        عشتار انا  مو بنت صغيره او طايشه او مراهقة، انا ست ناضجة امنيح بس يمكن انت ما بتعرفني ما بلومك بس اللي بدي تعرفه انك بتحكي مع ست عاقله بتقدر تميز ولا تنسى انه احنا الاثنين بنحمل جينات وراثيه قريبه من بعض وهاد بيعني انه النا نفس العنفوان وعزة النفس والمقدرة عن الدفاع عن الذات

•        وبنقدر نقدر المواقف اللي قدامنا ونتداركها

•        كنعان …انا روحك وانا والوجدان انت روحي ….

•        كنعان …اعذريتي عن ذاك المساء

•        اطوي جرحا فما انا الا انسان

عشتار…لا تتضايق مني أنت بتعرف تكتب وتحكي بالسياسه وكاي رجل شرقي تعمل اللي بدك اياه ، بس انا تعلمت دايماً ادافع عن مشاعري، بكل حريه

•                  انت يا سيدي عجبتك الفكرة اول يوم وحبيتها وفرحت قلبك بس ثاني يوم حسيتك رجعت هربت بعقلانيتك

•        انا بعرف انت شخص جدي ومنطقي وكمان بعرف يمكن اكون رومانسية زياده عن اللزوم

•        عشتار.. بس احلم، الحلم كثير سهل، انا ما بدي احلامك تصير كوابيس

•        على كل حال انت لسه جواي

•        اهرب بالطريقة اللي بدك اياها

•        بس انا لسه هون وبحلم

•        وفي يوم من الايام راح اثبتلك اني بعرف اعمل احلى قصة اسطوريه بحلمي

•        يمكن ما تصدق

•        عشتار… انا اللي بدي احكيلك اياه انا طول الوقت بحلم بقلبي وعندي استعداد اخبيك العمر كله وما اخلي الهوى يوصلك

•        بس انت طول الوقت عقلاني

•        بريئة وبضحك ما بدي مقابلها شي

•        عشتار….هادي الاسرار كانت يمكن اول مشاعر احس فيها بحياتي

•        مشاعر

•        بعد هيك انا كبرت وظل حلم جواي

•        عشتار ..اللي ما بتعرف بس اعملت انا acount على الفيس بوك اول شي والله دورت اشوف صورتك

•        كنت بدي اضيف لرصيدي اجمل طيف حسيته وبعديها حكيتلك كل اسراري

•        كانت اسرار بنت صغيره ما تجاوزت 15 سنة

•        كنت حاسه انك مضايق من شي وحبيت اخليك تضحك مشان هيك حكيتلك على السر اللي جواي

•        عشتار..وقتها انا فرحت لانه حسيت اني فرحتك وانك قدرت تلمس اللي جواي

•        انا اصلاً ما كنت متخيله انك تحكيلي انه في شي جواك الي

o       كنعان ..طيب اعذريني موش دائما بنقدر نعمل الاشياء اللي بنحبها

•        عشتار…بس حتى ما حاولت

•        بعرف انك بتفكر باضطراب

•        بس انت عم تخنق الحلم

•        اول يوم حكيت معي قلتلي راح تحكيلي كل يوم

•        سر

•        وراح ترسم على شفافي فرحه حتى لو كانت صغيره

•        ثاني نهار كنت شخص كثير عقلاني

•        وكنت تحكي بعقلانيه مبالغ فيها

•كنعان ..اسمعيني انا قهري حزن على انك ضعتي مني

•        هذا ما بكفي؟

•        كنعان ..احكيلك موش لازم احكي عشان تعرفي لازم تحسي فيه وأنا متأكد انك حاسه

•        كنعان ..يا ريت الزمن يرجع

•        بعرف انه صعب بس هينا بنحكي مع بعض وهذا بحد ذاته منيح كثير

كنعان…غلطة عمري

•        ما بهرب انا بحب احكي معك من كثر الافكار اللي عندي مرات ببطل اعرف من وين ابدأ

•        كنعان…انا جائع الك

•        كنت محروم منك ورجعتيلي فجئه بدون موعد وبدون تخطيط

•        هذا موش طبيعي

•        شاعر انه حلم

•        انا معك ما بهرب من اشي

•        وموش ممكن اهرب

•        خلص انا بدي ارجع لورا رغم انه صعب

•        كنعان ..لو انا تزوجتك كان ممكن اخليكه على الاقل سنة عذراء ,,,لانه شعوري انك اكبر من مجرد انثى

•عشتار ..    اعتراف رهيب خجلان منه

•        اسف

•        انا حزين لاني حكيت هيك

•        حاس اني جواتك

•        مرات بحس اني في خاتمك

•        مرات بحس اني

•        مرآتك

•        مرات بحس اني حنينك

•        ومرات بحس انك طفلتي

عشتار…انت تعلم ان الجواهر الثمينة هي التي تخبئها جيدا .

Be Sociable, Share!

لا تعليقات

لا تعليقات لحد الآن

RSS اشترك في تعليقات هذا الموضوع TrackBack URI

أكتب تعليقا

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash