ممنوع الكلام ..بوس اللحا ضحك على الذقون ، ولكن ذقون من ؟

600 مشاهده

على دراغمة -  ممنوع المقاومة من منطلق حقوق الإنسان ، والديمقراطية بتطلب سماع الطرف الأخر ، وإذا بتعمل مؤسسة عادي انك تتحرمن ..واذا بدك تكون حضاري لازم تعمل تطبيع يا فنان ، اما فلسطين التاريخية فصار اسمها فلسطين ايام زمان ، وممنوع عليك تشوف بلدك لانك ممنوع امني والاحتلال منك تحديدا زعلان  ، والبحر احكي عنه قصة لولادك ، وحكيلهم كمان انك تعبان تعبان من السياسة، والفهمانين في الواقع ، والواقعيين اللي ما عندهم هم مثل زمان .

هي ابن الحارة اللي ضحك على كل الوزارات ..أخد منحة ..وصار  يضل حول  الوزير ابو فلان ، واليوم بتصرف مثل اكبر زنجيل كمان ، والجماعة في السلطة عارفين من شبعان ومين جعان ، وبنت الجيران تخرجت وجابت الأولى في الامتحان ، بس ما توظفت لأنه قبلها في بنت فلان وفلان وفلان ..وأبو لجاروه اللي كان منبوذ زمان صار اسمه ابن الفصيل وبحكي مثل ما يكون حرر الجليل والجولان ..

وتجربة الانقسام بدك تعرف يا .. انها ثقافة موش ورقه وقلم واجتماع . اليوم تغيرت ثقافة الإنسان وصار كل واحد يحسب شو بده يوكل على الرووف مع الأولاد ، وراحت ايام الجبل والوديان ..قطع قبل اي والله كان الرجال رجال حتى بالحجم والشكل ولون القمباز ،  والمرآة مثل ما تقول عود خيزران .وصارت اليوم  بعد المساواة مثل الرجال تمام ، اي بلا انوثه بلا كلام فاضي الوضع بده بس زعران.

المجموعات الديمقراطية بدها تصلح الأفكار بس المال اله حكم وإغراء …

خايف المدير أبو الدولارات ينقطع الراتب وتتبخر العلاوات والامتيازات لأنه وحدة الوطن بتخوف والها استحقاقات…فتحاوي بعتب على الرئيس ليش وقع على المصالحة وباع فتح مثل ما قال ، وحمساوي زعلان انه بوس اللحا ضحك على الذقون أي والله حيرتني يا زمان .

واليسار التعبان صار يحب السفر على العواصم وناسي انه أنخلق عشان ما يكون الا بين الجماهير او في الخنادق سهران بس شو نقول أتغير الزمان وبطل في فرق بين التنازلات ولكل تحت امر الاحتلال ..

اليوم سألت شوفير ليش التكسي تعبان ، حكالي الزلمه شو ما كان وضع السيارة أحسن من صحة الإنسان في هالبلاد .

والبنت اجت على الشغل لابسه نص قم مغطى بالشال بتحاول ترفح الستيانه من فوق لبولز كل شوي  لكن محال …لفت نظري منديلها كيف كان ، من الأخر عامله في حالها عمايل وصارت تشبه رجل  الغابة طرزان  ..

Be Sociable, Share!

تعليقات2

  • بقلم ابوالشيخ, أكتوبر 3, 2011 @ 2:09 م

    اليوم سألت شوفير ليش التكسي تعبان ، حكالي الزلمه شو ما كان وضع السيارة أحسن من صحة الإنسان في هالبلاد .

  • بقلم ابوالشيخ, أكتوبر 3, 2011 @ 2:10 م

    ابوالشيخ واحد وبس

روابط أخرى لهذا الموضوع

RSS اشترك في تعليقات هذا الموضوع TrackBack URI

أكتب تعليقا

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash