هتافات لمسيرات التضامن مع الاسرى بفلسطين – تاليف : خالد منصور

 


يا جماهيرنا الشعبية

حيوا اسرى الحرية

تحيتنا عالية

للامعاء الخاوية

يا اسرانا احنا معكم

بالاضراب احنا معكم

تحيتنا للأسير

للي ناضل للتحرير

يا اسرانا يا ابطال

يا ضحايا الاحتلال

صبرا صبرا عالاغلال

ليل الظلم مهما طال

بدو يزول لا محال

الحرية الحرية

للي ضحو بالحرية

اللي ضحو بالحرية

بدهم منا حملة قوية

عهدا منا للمساجين

ما بنتركهم منسيين

لاجل عيونك يا اسير

ثار الشعب صغير كبير

لا سلام ولا امان

والاسرى خلف القضبان

يا اسرانا يا اسود

انتو الرمز للصمود

الحرية جايي جايي

وليل الظلم الو نهاية

شعبي انتفض كالبركان

ويلك منا يا سجان

معتقلات وزنازين

صنعت منا ثوريين

شعبي اصرخ اصرخ قول

مع الأسرى على طول

لاحتلال بدو يزول

والحرية بدنا ننول

عتم الليل وزنزانة 

ما بيقهرنا يا اخواني

وينك وينك با كيمون

عنا الظلم الف لون

غاب العدل عنا هون

وين العدل والضمير

داسوا حقوقوا هالاسير

وين العالم ييجي يشوف

هذي نازية عالمكشوف

يا الهيئات الدولية

بدنا وقفة جدية

تنصر اسرى الحرية

رسالتنا للصليب

حاصر وافضح تل ابيب

تحرك اكثر يا صليب

ضد العزل والتعذيب

للصليب جينا نقول

وضع الاسرى مش مقبول

يا عالم ما بيصير

وين العدل والضمير

لازم يعرف كل الكون

اخرس اطرش بان كيمون

بالتحدي والعصيان

نكسر انفو هالسجان

للاسير دين كبير

عالقيادة والجماهير

كيف ننام مرتاحين

وهمي الاسرى مضربين

عالشوارع يالله يناس

لاجل الاسرى هبو يناس

حقوق الاسرى عم تنداس

شعبي تحرك انهض سير

لاجل حقوقو هالاسير

اشتعلي اشتعلي يا نيران

بوجه الغاصب والسجان

هذي هيي اسرائيل

دولة قامت عالتنكيل

حيو الشهدا والجرحى

حيو الاسرى في نفحة

شطة ونفحة وهداريم

باستيلات المجرمين

رملة السبع والجلبوع

فيها القهر فيها الجوع

مجدو عوفر والدامون

ما راح تركع يا صهيون

ايشل نقب هشارون

تنادي وينك بان كيمون

جلمة ريمون عسقلان

فيها الموت بالالوان

شعب بلادي على الصوت

حيو اسرى كتسيعوت

للشراونة تحية

نجم بسما القضية

يا عيساوي ما بننساك

بالاضراب احنا معاك

بدنا الاسرى محررين

مش اكفان وجثامين

حياة الاسرى بخطر

هبو قوموا يا بشر

بكفي صمت بكفي سكوت

والعيساوي عم بموت

والشراونة بالزنازين

حي وميت يفلسطين

ثوري ثوري يفلسطين

لاجل الاسرى المضربين

 

 

Be Sociable, Share!

Leave a Reply

*
To prove you're a person (not a spam script), type the security word shown in the picture.
Anti-Spam Image

Powered by WP Hashcash